KOL Sue举家飞泰国旅行似移民　两岁细女未接种疫苗如何入境?

泰国于3月正式通关，唔少港人都心郁郁想飞一转，KOL Sue Chang（张厚耀）日前就带埋老公、两个女以及细佬起身，见到佢哋去动物员、行夜市嘅照片，唔少网民都表示十分羡慕。

眼见唔少网民问到入境后隔离、检测等流程，Sue亦有一一细心回答，她表示由于细女Kaia未够三岁，就算未打针亦唔会影响入境，并透露佢哋一行人入境之后，只需去到政府认可酒店做检测，再留喺房等结果就可以自由出行，而去到第五日需要使用酒店派发嘅检验包进行快测，并将结果发送到指定嘅电邮，过程简单。由于此行未有带同工人姐姐，所以Sue需要同老公、细佬一脚踢，不过佢亦都有发文表示“佢两个其实算乖唔难凑”。有关“泰国通行证，其实泰国外交部领事司之前就已经公布过，6岁以下的儿童前往泰国时，抵达时无需出检测结果证明，不过入境后，只可与父母同行，并确保小朋友能够进行深喉唾液检测。

点击睇入境泰国有咩要留意