爆谷一周︱郑欣宜亲揭减磅真正原因：好多人问我唔系唔在乎肥瘦咩

谷德昭主持的ViuTV节目《爆谷一周》今晚（16/4）一集请来郑欣宜（Joyce）担任嘉宾。节目中，欣宜便提到早前用生酮饮食减磅的真正原因，她说：“好多朋友问我唔系唔在乎肥瘦咩，若果我唔系做呢行，我谂我真系唔Care，但系我真系好钟意着靓衫！”她坦言至今也不觉得身材苗条会特别靓，只是自己的身材难买衫：“我唔想成日要网上买衫，有时真系会着马莎、ASOS嘅衫上台，呢个唔系话有问题，我自己都钟意将高价同平价嘅品牌Mix and match，但始终系上台，都要对舞台、观众有个尊重。”

郑欣宜实行生酮饮食法　三个月即见效减足廿磅：唔会设目标

提到欣宜常与MIRROR成员Anson Lo（卢瀚霆）合作，她便对Anson Lo赞不绝口，指对方跳舞极有力量又非常吸睛：“我觉得佢真系一个可以上到大舞台嘅一个好好嘅表演者。”而当听到谷德昭笑她称Anson Lo是“老公”时，她便说：“Sorry，系佢Flirt我先！”非常搞笑。另外，谷德昭叫她拣Anson Lo以外，三位最想合作的MIRROR成员时，她拣完Jer（柳应廷）、姜涛和Anson Kong（AK，江爗生）后，又拣了Jeremy（李骏杰）、Lokman（杨乐文）、Alton（王智德）和Ian（陈卓贤），非常贪心！

至于讲到欣宜在年初举行的《2021年度叱咤乐坛流行榜颁奖典礼》中，赢得“叱咤乐坛女歌手”金奖和“叱咤乐坛我最喜爱的女歌手”两大奖项时，她便指自己得奖当时仍未能够好好消化整件事：“跟住第二日，我选择唔睇电话，我选择唔睇任何嘢，我用咗一个好落地嘅方法去庆祝，我去咗九龙城，我细个成长嘅地方，食我以前会食嘅嘢，去以前屋企附近荡千秋，因为我唔想吸咗入去个世界，我唔想浮上天，但我再隔多日睇番，原来我唱歌𠮶时系全场企喺身……唔紧要嘅，值得拥有嘅嘢系唔易得到。”