唐诗咏曾遇男友偷食　认第三者避无可避：你做得几好佢都会有小三

被外界誉为“最佳女友”的唐诗咏，虽然一直被网民大赞“GirlFriendable”，但多年来每段感情都未能开花结果，分手收场。近日诗咏在节目《丝打围炉》中大谈绝世好女友的标准，她亦笑言自己会对男友撒娇，不过她就认为识得撒娇并不能防止第三者埋身：“你做得几好，佢都会有小三㗎，要有就有㗎喇。”诗咏更分享了自己对付第三者的经验：“讲真我咩方法都试过呀。（例如系点？）带佢去拜神呀，我就求佢要好爱我啰。”

不过诗咏就坦言虽然自己试过想尽办法击退“小三”，但其实未必能与另一半走到最后：“当一有小三嘅时候，你会跌入个窿度，你净系谂小三快啲走啦，或者你返嚟我度啦，但系忘记咗最重要𠮶样嘢就系其实你咁样呢个状态呢，冇人会爱你啰。你只要生活得好好，或者你好开心，𠮶个人系留定系走呢，佢会选择，唔系轮到你去避佢，或者你做所有嘢去避𠮶个小三系冇可能㗎，因为生命中佢会出现，佢就一定会出现，而个男人要选择佢都系会选择佢。（最终个阵系唔work嘅？）我觉得就算work呢，都唔会系一个长远（嘅关系）。同埋你work咗之后你就会更加依赖呢样嘢，你就更加忘记咗自己啰。”

外形温柔知性的诗咏，被两位主持虾头（杨诗敏）及连诗雅（Shiga）封为绝世女友的最佳人选，她们都认为男士们会很容易被诗咏这类型的女仔吸引，而诗咏就认为应具备妈妈的特质：“因为我觉得男仔呢，咩类型嘅男人都系一个小朋友。你需要好似一个妈妈咁去照顾佢嘅感受，你要呵护佢，好focus喺佢度，但系你又要自己好叻。其实我觉得系有啲攰嘅，但呢个系必须嘅，因为我发现如果你冇呢一样嘢呢，佢哋好多时候会觉得被忽略，但系如果你用咗啲tone唔啱呢，佢又会觉得你烦。”

诗咏自入行以来承认过的恋情只有三段，但在每段恋情中，她似乎都是受伤那位。当中诗咏与崔建邦在2005年因合作主持节目而挞着，男方被爆夜蒲、偷食、绯闻不断，多年来离离合合，直至2014年正式分手，结束断断续续9年的感情。而诗咏亦因大方、善良的性格，被网民封为“完美女友”！

点击下图回顾情史：