前TVB监制张志明叹空降高层影响创作　心淡走人无关山头文化

监制张志明（B哥）曾为无线电视（TVB）非戏剧节目监制及经理，在任期内主理过《3日2夜》、《周游东京》、《嫁到这世界边端》、《流行都市》、《姊妹淘》、《代沟关注组》、《煮战》和《野外步出》等等一系列大受欢迎的节目，可惜直到2021年10月底时他就宣布离职TVB，令人大感意外。近日他过档余咏珊新公司“好好制作”，并为香港开电视头炮节目《疫境中的餐桌》担任监制。他在探班现场接受《香港01》访问时，就大爆自己当年离职原因。

监制张志明（B哥）表示，现时于“好好制作”的工作环境与于TVB任职时差不多，一样是开会度桥再执行，不过现时工作量反而较多，因为样样事都需要他亲力亲为。他说：“以前都要（揾赞助），但系以前我讲完之后都有人跟嘅，但系细公司就要自己跟到落底。工作量多咗，其实一年做70%non-drama节目，人工都系咁多。”

大搞综艺制作

他自言，过档后首要目标是做好节目给观众，访问中他也透露了自己正在筹备一个旅游节目。他说：“透露就唔会透露住，因为而家讲完之后佢哋又做，我哋又做，（之后）就个个都做。不过做完呢个《疫境中的餐桌》之后，Ricky同Jacky就会有一个真真正正嘅饮食节目，会好认真咁煮，跟住暑假我哋就会有一系列出埠节目，讲疫情之后旅游景点嘅情况。”他透露，这个旅游节目就似是一个为疫情之后打算去旅行的市民，度身订做的电视版旅游天书，介绍一系列好去处以及以往旅游景点经历疫情后的近况，首站由沙律张沛乐做“导游”前往泰国。

唔一定人多先有好制作

于行内人而言，B哥的制作一向以价廉物美而有名，他主张以最低人手以及成本，去制作一些有话题性、娱乐性丰富的节目，最为人熟悉的一定是做足5，6辑过百集的《3日2夜》。他说：“我觉得做节目系人少，平，自由，尤其是做旅游节目，唔好人多，人多要照顾呢个又要照顾𠮶个，几时照顾到个节目，系咪？我啲旅游节目，连埋个主持最多都系4个人。”

上面提到电视台会“互相模仿”，问到B哥会不会担心被抄桥，他回答：“佢抄唔抄已经都成日攞（我以前做嘅节目）做repeat啦，呢段时间去唔到travel（出埠），佢都攞晒我以前做嘅旅游节目重播，系咪抄都好，佢哋而家都做唔到。”他表示，自他离职后已再难有《3日2夜》这些节目的诞生，说：“冇啦，其实我入TVB之后，系令到佢啲budget减少好多，令到人手少咗。而家TVB又去返要咁多人去，一定要用咁多钱拍，一定要好似以前咁用返Full-crew。”

TVB山头文化　张志明：个个对我都好好

新公司有没有“山头文化”？他说每一间公司都会有，但幸好现时任职的公司“好好制作”人数不多，并不会出现“山头文化”，说：“我哋不嬲做自己嘢，都冇理过人。譬如我喺TVB做咗咁耐，后期我啲节目都唔会俾人改，我有咩山头文化啫，我都系做自己嘢。喺TVB其实每一part都对我好好，珍姐、乐小姐、Sandy（余咏珊），杜生，全部都对我好好，我冇咩山头文化。”

离职皆因一位TVB高层

谈到他离职的原因，他就指第一是因为余咏珊的邀请，第二个原因却是出于对工作环境的不满。他说：“尤其是系‘某高层’入到嚟之后，我觉得佢哋做得好乱。大佬，你做幕前，我做幕后，个节目唔系你改，而系你啲朋友去改我节目，我会觉得我点解要俾你改？你已经唔识，仲要俾你朋友去改（节目），我又觉得好难过，我做咗几廿年要听你𠮶啲啱啱入嚟（嘅人）。你话咩官呀？我都唔知，所以𠮶阵时我都冇俾佢改。譬如《煮战》之后，‘某高层’话我要改，我话：‘冇得改㖞，我啲嘢冇得改。’跟住佢就冇出声。”他透露，自“高层的朋友”加入TVB后，突然变成了所以节目都要经他剪辑才可以播出。

他表示，自知再留在TVB，自己创作及工作环境必会受到某高层的干扰，说：“我都唔知可以挡得几多次，咁就唯有走。你幕前就走返去做幕前啦。你话你做得好，咁而家做咗一入面做得几多？我又唔觉得你做得好咗去边。你用咗好多钱去做一个好小嘅节目呀嘛，而家咪又系做返啲煮食，做返晒啲旅游，做返我啲低成本制作啲嘢。”

打算离职时，TVB的高层有没有挽留？他表示曾志伟曾经有挽留，说：“佢几好嘅，就算我畀信𠮶时，我都话系两个因素啫，系Sandy叫我走，同埋系我唔钟意俾人改嘢，佢改我啲嘢我会走，系呢两样啫。”他明言，无线电视（TVB）的制作出品，以及工作环境一直令他十分满意，强调离开的原因只是因为某高层加入后出现变化。