沙律张沛乐同保锜“分手快乐”　斩缆唔再见：我哋冇联络㗎啦

沙律张沛乐（Charlotte）于昨日为香港开电视节目《疫境中的餐桌》 担任嘉宾，拍摄完毕后，她接受《香港01》访问时，笑言自己 在节目中负责执头执尾，真正落手落脚煮的是大厨Jackey，说：“主要系帮手煮吓同埋食嘢！”

她透露，最近正在筹备一只新歌，希望在疫境之下发放正能量。她亦表示，之后还会为香港开电视主持一个旅游节目，到访泰国曼谷揾好食好玩的地方，以及寻找一些疫情之下的好去处。谈到出歌的原因，她自言很多事情都想尝试：“我唔会标签同限制我自己，唔会因为我要唱歌就唔可以拍戏，我想做一个真正艺人，好多嘢都可以做。”

同时她也预告旅游节目会相当吸引，说：“去到曼谷（𠮶时）一定会好热，同埋我哋介绍当地做Spa（好地方）、游吓水同埋吃喝玩乐，睇吓疫情之后泰国有咩唔同咗。拍旅游节目最正系咩？就系唔好谂，放空，佢哋帮自己plan去边，然后自己凭感觉去enjoy，𠮶吓就系最舒服。”

沙律张沛乐与ERROR保锜于今年年头分手，她表示心情极速平复，说：“分开咗一段时间，冇联络。好开心呀，而家好多嘢想做，我觉得最紧要畀到爱同正能量大家。佢嘅出现，或者身边嘅人，令你经历一啲嘢，先可以令你成长。”保锜有冇揾你？她回答：“我哋冇联络㗎啦，（如果一齐拍节目？）都应该唔会，而家最紧要活在当下，我已经忘记以前嘅事。”有没有追求者？她笑说：“我点会冇呢？哈哈哈，好难数有几多个。首先我一直都好多追究者，呢个都唔系重点，重点系清楚自己乜嘢人先最适合我。我想追求嘅，系一段无条件嘅爱，而系大家灵魂可以倾偈。”