肥美人︱大码模特儿Lezlie重提校园欺凌痛苦回忆：冇一日开心
撰文： 陈芷颖
出版：更新：
ViuTV选美真人骚《肥美人》昨晚（12日）播出第二集，当中体重达270磅的大码模特儿Lezlie（陈映同）在节目中表演原创歌曲《Lazy Hazy》，演出水准甚高获得全场评判激赞，她的自我介绍以及表演更令评审团为之动容。重提成为大码模特儿的心路历程，Lezlie坦言：“经历咗好多嘢，好多欺凌、好多排斥、好多谩骂。”
Lezlie曾在个人YouTube频道分享成长经过，她轻叹一声表示是在“痛苦中修炼”。重提以往校园欺凌的经历，她说中学时被很多人排斥和欺凌，更坦言自己是“被虾大”：“冇一日嘅校园生活系开心，自己一个去面对。除咗社工，冇咩人肯听自己讲嘢，中学时系孤身一人去做任何活动。”Lezlie续指欺凌者只要觉得你“唔顺眼”便会欺负你：“我明白痛苦经历系一场修炼，而家睇返觉得好无谓，欺凌者欺凌人系冇原因，净系觉得你唔顺眼，样貌、身形唔合乎佢嘅标准，总之觉得你‘笃眼笃鼻’就会虾你。”
+1
Lezlie明白被欺凌的痛苦，亦坦承至今仍害怕被人出卖和背叛，不过作为过来人的她亦鼓励被欺凌的同学：“唔好理虾你同攻击你嘅人，做好自己，唔好理人哋讲嘅嘢，你系值得被爱同欣赏。如果真系顶唔顺，就要揾专业同信得过嘅人帮手。”
同场加映
肥美人︱震撼过270磅Lezlie 大学讲师Chanhnez跳钢管舞技惊四座
+9