陈定帮曾被爆遭戴梦梦索取百万礼金　突然醒觉：唔work就系唔work

由崔建邦和麦美恩主持的TVB节目《诸朋好友》最新一集请来林盛斌（Bob）、陈定帮及范振锋担任嘉宾，一向有“金牌媒人”之称的Bob为身边好友穿针引线，成功撮合多对新人，原来陈定帮同范振锋找到好老婆都是靠Bob牵红线！不过其实陈定帮与杨锰霏结婚之前，曾与戴梦梦有过一段情，还发展到谈婚论嫁的阶段，但最后疑有人劈腿，令婚事“挞Q”，两人分手收场，而戴梦梦就在去年突然宣布嫁给从事金融行业的圈外男友Kyle。

崔建邦在节目中提到陈定帮在遇到现任太太之前，曾经有过一段不开心的感情，虽然没有指明是边一段感情，但Bob同范振锋都即刻变“八卦Mode”，笑言不敢提及此事，Bob更问道：“咁劲呀，呢单嘢讲得嘅咩？你老婆会唔会杀咗你㗎？小心你老婆呀！”不过陈定帮就表现大方，更坦言：“我最差嘅宫位就系夫妻宫，系一早已经知，但你依然系会……唔通斩脚趾避沙虫咩？我都会想拍拖，因为始终你系血肉之躯，会想谈恋爱。咁拍拖呀，然之后你俾人hurt，咁我抽离咗跟住佢又𠱁番你，到最终你发觉好似有啲人唔work就系唔work。（会唔会因为对方系圈内人令关系复杂咗？）我都发觉系，我唔系好适合同圈内人拍拖。”

陈定帮自言曾与对方分手，但之后又复合：“散过一排啦，跟住之后类似畀佢箍煲又箍返啦，跟住到最后一次争啲就……𠮶阵时都有少少谂过谈婚论嫁，因为𠮶阵时就谂住不如用呢一样嘢去令到大家定啲。（通常系女仔锁实个男仔？）但系调返转啰，你明唔明呀？跟住谂吓谂吓，其实有时啲嘢唔work就系唔work。因为𠮶年我事业上开始有少少成长，见啲人呀各样嘢，好似倾偈又多咗，又开始有自己嘅修行，打坐的确令我有少少醒咗，即系谂通咗啲嘢，然之后好安静地，冇咩负面情绪，我就话不如我哋唔好结婚喇，真系咁样同佢讲。（咁佢点呀？）当然系有啲嘢prove到畀佢睇，好似都系唔系咁啱。因为结婚呢样嘢本身个出发点都系想大家绑住大家，大家安心啲咪唔好谂咁多嘢啰，但其实咁样出发唔系咁好。”

虽然没有公开旧爱名字，但相信大家都知道陈定帮所讲的就是戴梦梦。陈定帮与戴梦梦在2009年拍拖，原本两人计划在2012年结婚，更有指女方向男方索取100万礼金，但最后婚事告吹，其后陈定帮曾回应表示百万礼金是以讹传讹，两人因性格不和，最后和平分手。2015年戴梦梦被爆与太极鼓手朱翰博（Ricky）拍拖，当年两人在街头争吵，戴梦梦更激动到当街剥裙发泄，成为一时热话，两人经历离离合合，最后戴梦梦在去年11月与圈外男友Kyle举行婚宴。而陈定帮经Bob介绍下认识杨锰霏，两人在2014年结婚，育有一对女儿，一家四口好幸福。