金宵大厦2 | 李施嬅有神秘角色　吁先放下《金宵1》：跳返出嚟先

李施嬅回归无线（TVB）拍摄《金宵大厦2》（下称《金宵2》），患病的她无法亲身出席宣传活动，只能透过视像通讯接受访问。近日她上薛家燕电台节目《开心大派对》宣传剧集，谈及病况，她指：“上年9月严重，甲状腺加免疫系统，主要系甲状腺打我只眼啦。”更因拍摄期间试过眼红得太夸张，又大细眼，监制要停机拍侧面。她解释患病是因拍《金宵2》压力太大，“要分饰两角，𠮶几日系崩溃，同埋系难演嘅。”

休养中的施嬅仍然经常留意观众反应。说到有观众认为《金宵大厦》（下称《金宵1》）比《金宵2》剧集更吸引，更有网民直批“眼高手低”。施嬅建议观众应“跳返出嚟先”，她说：“我好想讲一讲，希望观众唔好唔逃离《金宵大厦1》度，跳返出嚟先。因为好多嘢睇唔好到，好奇怪嘅。”

她认为观众忽略了不少细节，“有一幕我同山聪系中环落雪、Kiss，但竟然冇人觉得落雪系奇怪，冇人讲呢个Point，我都奇怪冇人讲。大家都唔觉得呢个系一件事。或者60年代山聪讲嘢冇口音大家又唔觉得奇怪，反而系医生奇怪，大家好似完全系留咗喺《金宵1》度，见到佢哋锡啦，佢哋又揽埋一齐好Sweet呀！好钟意呀！咁（就觉得）落雪就算啦，中环都成日落雪。”

施嬅又爆今次是一人分饰三角，除了精神科医生和Ella之外，新角色将于今个礼拜登场，更笑言演到“Short short哋”：“山聪有两个角色，讲嘢方法差唔多，佢系特登混淆大家。我就三个角色，全部都好明确，第三个出咗都好明确，你哋会知系另一个人。三个角色都有唔同造型、声线、讲嘢方法。演唔同角色会有唔同小动作，例如讲呢句对白就你就要拨一拨头发。”

有网民又坦言施嬅饰演精神科医生时声线奇怪，质疑是否配音，施嬅就解答道：“《金宵1》Coco姐把声沉啲。因为Coco姐成日都夜瞓，饮好多酒，花声。但医生就系有钱人、读书啦，咁你哋知道60年代女性系低微少少嘅，咁所以讲嘢唔会好大声，所以就会用个高少少、细声少少嘅语气去讲嘢。所以我用前少少、近鼻少少个位去讲嘢啦！”

同场加映：专访 | 苏皓儿为搣甩“As One味”不惜毁容：唔想咁𡃁妹商业化