金宵大厦2｜陈山聪人气急升频曝光：真系因为套剧开始有番啲工作

无线（TVB）剧集《金宵大厦2》大受欢迎，口碑高企掀起一阵追剧潮，而今日（8日）剧集就在电视城举行宣传活动，一众主要演员都有出席向大家分享拍摄心得。而在播出的最新一集中，Maurice（陈山聪饰）就经过相机店发现自己与一名女子的合照，引起大家对该女子身份的好奇心，在接受访问的时候陈山聪就大卖关子。

相中人的确存在

在播出的最新一集中，陈山聪经过相机店发现自己与一名女子的照片，令到他相当惊吓，不过照片中的女子样貌模糊，令大家相当好奇。针对大家的好奇心，就追问陈山聪，他就表示：“𠮶张相就见到Maurice同黑色长头发女仔，咁大家真系要估下，真心呢个小三系有，唔系虚幻嚟嘅，系会出现嘅。但究竟系李施嬅还是有其他人呢，大家睇就知。”

张彦博又是“Final Boss”？

另外，讲到现时有好多网友猜测相机店店主张彦博可能又是“Final Boss”，陈山聪则表示：“嗱，𠮶名叫做阿Lam，究竟呢个阿Lam真系《金宵大厦1》嘅林哥仔定系还是另外一个嘅佢呢？佢同靓宝又有啲咩关联，点解佢执咗部相机之后会交畀我呢？一定系有啲原因，佢寻日讲得好清楚，个相机入面有一筒菲林，其实𠮶筒菲林又系另一个牵涉嚟，因为个筒菲林入面大家见到林哥仔喺黑房晒相，其实大家开始都见到啲单元喺𠮶啲相出现。”如此一说，张彦博虽不是单元主角，而是贯穿整部剧集，看来他似乎不简单，让观众又有想像空间。

因为《金宵大厦2》开始有工作

因为《金宵大厦2》受欢迎，眼见陈山聪人气高涨，被问到有没有因此增加工作同收入，他就表示：“首先收入就未多到，因为啱啱播咗一个礼拜啫。好感恩啦，因为坐咗喺屋企四个月都冇乜工作，咁真系因为《金宵大厦2》开始有番啲工作，咁好多宣传，亦好多谢所有嘅金宵迷咁钟意《金宵2》。咁我觉得首先唔好讲我嘅工作量，但对我嚟讲所有金宵迷，我见到嘅留言或者大家对我哋嘅喜爱，呢样嘢对我哋嚟讲系最好嘅礼物，最佳嘅报答方法。”