一蚊 Joe感激李思捷提携 自爆最辛苦扮焦尸: 导演嫌未够黑!

无线游戏节目《思家大战》，自开播以来一直大受欢迎，转眼间第一季已经进入最后冲刺阶段，只剩下最后两集。早前思捷为了保护家中长期病患长者，留家抗疫多时的他改以 WFH 方式隔空主持节目，结果获网民大赞非常有创意兼过瘾：“在家都做得好好睇，成班朋友都玩得好开心”、“用‘走入框框’来‘突破框框’，也是一种创意！”同时亦带挈“2D 思捷”幕后“推手”、《思家》暖场主持一蚊 Joe（游莨维）人气急升，网友留言表示：“喜欢一蚊Joe 的小动作，好玩！”、“成晚推住架车，真系辛苦晒！”

对于有份拍摄《思家》，一蚊 Joe 受访时大嗌好玩：“呢个节目全球都好出名，思捷揾我做暖场主持，我真系开心都嚟唔切。思捷希望个节目有现场观众，所以需要暖场主持带动气氛，佢畀呢个任务我时我应承佢用条命嚟炒热个气氛。”谈到思捷又做主持又做监制，一蚊 Joe 坦言从对方身上学到不少东西：“思捷好坚持一定要彩排，台前幕后都需要好清楚节目嘅流程，游戏节目最重要就系唔好 NG，因为一 NG 道气就断咗。即系假如个嘉宾赢咗比赛，但有嘢错咗要重拍，咁咪冇咗个真实反应咯。”

推车 12 粒钟冇停过谈到最近因转型幕后“推手”引发关注，一蚊 Joe 谦虚谓：“多谢网民关心同传媒报道，其实做得暖场主持都预咗唔会见到自己个样。今次思捷畀呢个任务我，佢都好紧张，仲拍埋片同我讲应该点样做。”他透露拍摄当天一次过录晒三集，由早上 10 点录至晚上10 点半：“每组嘉宾拍之前都要彩排，变相即系全日推咗 6 次车。𠮶 12 个钟真系冇停过咁滞，但又唔算太辛苦！”

入行 16 年的一蚊 Joe，又感性指辛苦其实是相对的，他透露曾为剧集《当旺爸爸》扮演焦尸，虽然出镜时间很短，但背后故事却一匹布咁长，他说：“首先用咗两个钟化妆，去到现场导演觉得效果唔够，仲要再加炭粉，啲炭粉入晒耳仔、眼同埋指甲；然后个厂又冻，我净系着短衫短裤。”等埋位等足 2 小时的一蚊 Joe，笑指最终虽然只有两句对白以及拍毕后病倒，但回想起该段经历，还是觉得是过瘾多于辛酸。