专访︱Edan自爆搭䢂遇尴尬事 首出跳唱单曲要向Anson Lo偷师
MIRROR成员吕爵安（Edan）于愚人节推出2022年第一首派台歌《Elevator》，有别于上年的四首抒情作品，今次Edan搣甩情歌王子形象首度挑战个人跳唱，更初次尝试Rap为乐迷带来新突破。将人生比喻成乘搭升降机，即使层层停甚至被困，都不是你能预计得到，就如人生，总会遇上很多意料之外的事情，与其心急、忟憎，倒不如学E先生的处事态度，就算“连环不幸”亦以平常心面对，至少可以令自己舒服一点：“人生廿几年好少唔开心，其中一个原因系我好平常心。”
性格乐观从未为事业感心急 “慢慢嚟唔使急，有机会再把握好”
新歌《Elevator》带出的讯息是，人生就如乘搭升降机，会遇到很多意外、甚或突发事件，面对这些未能控制的事难免会感到心急、忟憎，但情绪却对事情毫无帮助，不如用平常心面对。
歌曲的主题与Edan的价值观非常相似，加上乐观的性格令他很少钻牛角尖，入行后亦未曾为事业感到心急：“人生廿几年好少唔开心，其中一个原因系我好平常心，唔好太介意。啱啱出道时未系好多嘢做，未系好多人认识，我都系慢慢嚟唔使急，有机会再把握好，迟啲就多啲人识。呢种心态令我过得好舒服、好少负面情绪，系几好嘅处事方法。”
首次挑战跳唱加Rap 要向Anson Lo请教秘诀
第一次挑战跳唱Solo，Edan坦言担心现场演出的表现，全因平日跟MIRROR 11位兄弟跳舞时安全感大很多，压力亦相对较小：“唔需要每一刻都做到好100%，可以自己就下。但自己出跳唱，Focus就永远喺你度，一做得唔好就好觉。跳舞能力又未去到好好，出跳唱有担心。”幸好找来ERROR成员肥仔排舞，令Edan增添不少信心：“佢系我跳舞老师好熟识我嘅风格，又知佢排嘅舞步好有画面，拍MV前都揾佢恶补咗几次，应该都唔会太差。”但比起跳舞，Edan更担心的是唱歌：“Live比较担心系唱方面，跳得咁大力仲要唱到系有啲难度。”
新歌第二个挑战就是Rap，连平日总是平常心的Edan都说出歌前啰啰挛又紧张：“好惊俾人觉得似数白榄，Rap词唔系好密集，咬字上唔会超难，（监制）Edward把关把得好实，花姐有赞我咬字好咗。”他直言一定会向好兄弟Anson Lo请教跳唱的秘诀：“佢好犀利，跳得咁大力同时又唱到，都要同佢学下嘢。”
MV嘉宾阵容强劲 难忘吊威也大赞家英哥可爱
《Elevator》在愚人节推出，是否为了延续“E先生连环不幸事件”的故事？Edan否认并指一切纯属意外：“本身首歌系二月尾出，但因为疫情拍唔到MV就Delay咗。就谂不如三月尾出，花姐话既然都三月尾出，不如四月一出，首歌又几啱愚人节感觉，不如就送份礼物畀大家。”
MV嘉宾阵容强劲，找来家英哥、“正印”小仪以及好兄弟Anson Lo和阿Jer客串，连环惊喜，相信粉丝们一定非常满意这份愚人节礼物。Edan说当初构思MV时，已经希望可以有嘉宾令场面更热闹、更开心，而最早想起的就是家英哥：“歌词有‘的士司机’，脑海即刻弹咗家英哥个样，如果揾佢做会好好笑。小仪好早就话想拍我嘅MV，如果揾佢客串大家都会睇得好开心。两位都一口答应，早排疫情好严重，都会谂会唔会唔系咁好。同佢哋讲‘如果真系唔方便就唔好嚟，始终有一定危险’，但佢哋好快即刻应承，好多谢佢哋。”
至于队友Anson Lo和阿Jer，Edan指是导演的主意：“系Sheng同Maggie揾，想揾两个好唔似装修工人嘅人去扮。最好笑系，化妆化咗个半钟，但拍咗三个字定半个钟就完咗，佢哋问‘吓？完喇？’，跟住就走咗。”问到拍MV的难忘事，Edan说是吊威也，更大赞家英哥十分可爱：“有一幕类似坠䢂要撞嚟撞去，都几大动作有少少痛。家英哥好Cute，喺的士入面然后叫工作人员帮佢影张相，好似去旅行叫人帮手影相。”
新歌主题围绕升降机，问到在升降机遇过最尴尬的事，Edan笑说是放声高歌时有人入䢂：“好多时自己喺䢂入面都会突然唱歌，关咗门真系会好大声唱，同埋会唱啲好鬼高音嘅歌，如果有人喺䢂出面应该会听到。有一次唱紧突然‘叮’，有人入嚟，心谂‘死喇，佢一定听到’，之后就扮冇嘢。”
点撃睇MV嘉宾阵容：
今年计划出三首歌 将接拍电影及准备MIRROR演唱会
在家抗疫期间，Edan自爆不停瞓觉、打机和煲剧，还好体重没有增长：“可能太耐冇放假就疯狂玩，玩完又觉得好似好颓废，所有好矛盾。”不过他最近亦重投剧组拍摄《季前赛》，更坦承有想念开工的感觉：“好忙嘅时候好想放假打机，经历咗两、三日开始闷，又好想返工做嘢，唔做嘢我个人真系可以好懒，反而做嘢个人积极啲有番动力。”
疫情令MIRROR有一段时间没有聚在一起，Edan想念他们之余亦透露工作动向：“喺Zoom见过（MIRROR），《季前赛》见番，都好挂住大家。《季前赛》完咗会拍套电影，之后就专心准备演唱会，确实月份就等我哋公布，今年我就会暂时计划推出三首歌。”《CHILL CLUB推介榜年度推介21/22》将于本月月尾举行，MIRROR及Edan个人亦会角逐多个奖项，Edan对奖项依旧抱着平常心：“同之前一样随缘，有固然开心，冇都冇所谓。奖项唔系最重要，最重要系歌曲有人去所赏、拎到共鸣、钟意已经好够。”
Hair：Man Chan @CHIC Private I Salon
Makeup：Giann Cheung @Annie G. Chan Makeup Centre
服装：Ports V, Giuseppe Zanotti