传开电视挖角搞新《东张西望》 林溥来：加几钱都唔走非常忠心
TVB资讯节目《东张西望》经常创下佳绩，成为全香港收视之冠，平日收视达27点，星期六、日更于26至28点之间。近日有传闻指，传前无线电视助理总经理（非戏剧制作）余咏珊，有意在开电视制作一个新《东张西望》，更传她以每人底薪加5千高薪掘角现时《东张西望》的班底。
除了早前已过档开电视的黄恺怡和林希灵外，其他现任幕前的《东张西望》主持又会不会考虑改“换一个工作环境”呢？
林溥来（Patrick Sir）接受《香港01》访问时坦言，对这个传闻感到出奇，说：“首先而家加几多都唔关我事，因为我系经理人合约，其次我系非常忠心！所以我哋都冇理，咪当食吓花生啰。我觉得做一个节目，唔系话揾咩人过档就会掂，系需要好多因素。”
他认为，一个节目的成功不止是幕前幕后的付出，而是TVB品牌、客户和观众的信任以及其他配套组合而成的，说：“我听到传闻，第一件事唔系谂过档，而系谂自己有咩贡献到，令自己同个节目更加好。银弹政策好多公司都钟意用，银弹系烧钱，但系又烧得几耐？做节目真系要有持续性，唔系话加钱个节目就会成功。我哋《东张》除咗时事，仲有艺人出镜同访问，做咗咁耐仲有客户、观众信任同埋最紧要TVB招牌呢，唔系话请几个人就可以复制到，因为成功系基于结构同系统。”他更明言，人工不是他留在TVB的原因，说：“加几多钱都唔会走，因为我非常忠心！”
梁敏巧接受《香港01》访问时，也表示不会考虑过档，坦言现时工作环境十分理想，说：“公司（TVB）咁好发展，加钱都唔走啦。我自己主要睇长远发展，钱反而唔系最主要原因。《东张》主持除咗做《东张》，都有机会做唔同节目主持㗎，而且公司都好多资源。收视高即曝光率高，即系我哋都多啲人识，多啲人识又会多工作机会，同埋喺《东张》学到好多嘢，由我第一日开始，监制、导演、writer已经教我点样问问题，入行咁耐又教咁耐，又唔会发脾气。”如果开电视出极高价挖角呢？她说：“加5万？唔会挂，到时先考虑啦。”
林希灵接受《香港01》访问时说：“我都有听过，不过详情就真系唔清楚。如果开电视做东张西望，一定系好事，对艺人同观众黎讲有更多选择，多啲人睇电视，对成个行业都好啊。都只系听过传闻，唔知开电视有冇揾到旧同事，东张成team人感情好好，好似一家人咁，如果佢哋真系有好Offer我都会替佢地开心期待。”
点击下图睇多啲林希灵同黄恺怡嘅靓相：
点击下图睇Maggie嘅靓相︰