爱回家｜倪嘉雯做女记者再受注目　被问份粮够唔够开饭大方回应

TVB处境剧《爱．回家之开心速递》昨晚一集（29日）讲到尚善（滕丽名饰）意外发现记者Carmen（倪嘉雯饰）遭贼人迷魂，并搜索她的手袋。尚善高声呼救，贼人向尚善的腹部刺了一刀后离去。尚善渐渐失去意识，醒来后查看Carmen的状况，见她仍然昏迷不醒。尚善此时求救无援，及后四处查看，察觉自己竟置身一个只有她与Carmen的世界……

对于倪嘉雯在剧集的演出，不少网民都大赞：“劲Pure劲Ture！”、“很正，白滑版Ca姐”和“有D似吉高由里子”等等。其实现年26岁的倪嘉雯除了主持儿童节目《Hands Up》外，近年她更凭剧集《换命真相》扮演“少女刘佩玥”弹起，演出机会更越来多越多。倪嘉雯接受《香港01》访问时就多谢大家的支持：“冇谂过呢集出街会引到咁多人讨论，不过我㖊晚睇嘅时候都觉得自己仲有进步空间同改善，继续努力喇！（同滕丽名咁多对手戏学唔学到嘢？）我收到剧本见到有咁多对手戏都有啲压力，未试过同前辈咁多对手戏有啲压力，不过阿滕都好肯教，好多嘢都会提醒我，学到好嘢，多谢佢呢一集带领住我。”

对于被指与日本女演员吉高由里子撞样，倪嘉雯回应：“都真系有人讲话我似佢，我觉得系赞美，好开心可以似佢，都有人讲话我似龚嘉欣同陈自瑶等等，都好多谢大家觉得我似佢哋，我系好开心。”被问到喜欢做主持还是演员，倪嘉雯笑称：“两样系好唔同嘅嘢，例如我入咗去《Hands Up》一年，都袋有好多嘢，讲嘢同转数方面都学到好多嘢！演唔同嘅角色都系好有趣同挑战性，两样嘢我都好钟意做。”

有网民好奇留言：“TVB咁低人工，点解都咁多女仔去做，份粮都唔知够唔够开饭？”，倪嘉雯亦大方回应：“首先好谢屋企人，因为佢哋冇反对我入行同埋都支持我做自己钟意做嘅事，我觉得揾到自己钟意做嘅事好难得，𠮶件事做埋自己职业就更加难得，我好庆幸自己揾到，同埋自己都仲算后生，青春就系本钱，趁自己仲有青春追吓梦。”

点撃下图睇女神私照：