于洋被陈曼娜爆有艳福晕晒浪　再被薛家燕笑爱揼骨：有所企图呀？

现年73岁的于洋早在前年9月已经正式约满TVB，原本在加拿大过上退休生活的他，去年因拍摄剧集《家族荣耀》而专程从加拿大回港，更跟随剧组到深圳拍摄。早前薛家燕邀请了剧中的马氏夫妇于洋及陈曼娜（Manna姐）担任电台节目《开心大派对》嘉宾，于洋笑言由于当时要在深圳接受隔离，所以他就趁隔离期间熟读剧本：“好彩有两个礼拜隔离，就帮助咗我温书，个两个礼拜就消化晒个剧本。监制徐遇安话‘我戥你惊呀！于老头，我睇过入面好多对白，你快啲去睇呀’，咁就吓到我咩咁，啱啱好彩有两个礼拜就隔离喺𠮶度，日日夜夜咁睇，可以消化咗佢，如果唔系好大镬呀，成日会NG。”

家燕姐表示曾与于洋多次合作，笑言对方“玩玩下”：“佢好多时入场呢，睇下剧本就话得喇，当然啦，好多都系‘𦧲𦧲地’啦，同埋讲得唔系好清楚啦，冇所谓嘅，根本佢打呢份工都系喺度玩玩下，但今次呢佢个演绎俾好多人赞赏，所以我即刻打电话畀佢，‘于大哥，你做得好好㖞，啲对白讲得好清楚㖞’，佢话‘系呀，我今次认真去做功课㗎’！”于洋透露有一场在会议室教训儿子的戏份，当时杨茜尧讲道：“于大哥，今晚收唔收得早就靠你喇！”而于洋就笑言：“佢唔知道我咪咗好耐，你知我好勤力㗎啦不嬲，点知一take过，佢都呆咗，当堂个个起身拍手掌，因为几页纸㗎嘛𠮶度，我自己心中有数，但我就唔出声，由佢玩我啫！”

于洋笑言因为太多对白，所以必须要做足准备功夫，他更大赞今次合作的演员都非常符合角色设定，整个拍摄过程好顺利。而Manna姐就透露花了不少心思在造型上，无论是服装，还是发型都经过精心设计，她更笑言于洋有不少得着：“第一呢个薪酬好高啦，佢话高过TVB好多㖞，同埋佢系好有艳福，套戏有老婆、小三、情人，几个新抱又靓㖞，日日拍戏佢都晕晕地呀！”

Manna姐同于洋都大赞今次拍摄住宿、伙食方面都安排得好好，她更大爆于洋经常四出觅食：“佢拍完戏就去一啲地方食嘢，佢好识食嘢㗎！”家燕姐随即再爆料：“我听人讲你时时去深圳揼骨㗎嘛”，而于洋就大方直认：“我成日都揼，我老婆知嘅。（系真正揼骨定有所企图𠮶啲呀？）冇所企图嘅，我系正宗揼骨嘅，我喺加拿大𠮶时都成日去揼骨冲凉嘅，属于保养。”场面搞笑！

家族荣耀 | 73岁于洋戏外幸福老人　退休后弄孙为乐：而家好安乐

家族荣耀 | 陈曼娜仔女哈佛耶鲁毕业做医生　育儿经只有一个方法