冯盈盈助手被指搲著数贪小便宜犯众憎疑被辞退：我唔方便讲太多

冯盈盈早前被传疑犯下两宗罪触怒无线而被掟入雪柜﹗第一宗罪是为公开同郑衍峰恋情同公司闹意见。第二宗罪是其私人助手经常陪伴出席活动时，趁机集邮及贪小便宜去搲著数，无线为此力劝她要辞去该助手以免影响其名声，但冯盈盈却屡劝不听。

神隐两个几月，凭盈盈今日（29/3）终于蒲头出席无线综艺节目宣传活动。冯盈盈表示：“其实我系有睇到话我被雪藏嘅相关报道，但我就真系唔知点解会咁传。（当时咁传你惊唔惊？）咁又唔会嘅，因为心谂都系传言嚟啫。（今日唔见你助手，系咪辞退咗？）但讲到我助手呢，始终佢都唔系圈内人，咁所以都希望保护返佢，关于我同佢嘅合作关系，我就唔方便讲得太多，咁希望大家可以俾多啲空间佢。（冇助手会唔会唔方便？）其实初出道嘅时候都系自己照顾自己嘅，都系学习独立，咁所以而家系冇需要。”