祝文君设灵｜麦德罗两星期前见面唔觉异样：𠮶日佢带假发我都唔知
撰文： 吴子生
出版：更新：
女艺人祝文君上月28日因肺癌突然离世，享年55岁。下午约4时半，祝文君生前好友麦德罗，王维德，谭玉瑛，黄建东分别前后脚抵达灵堂致哀。麦德罗受访时表示：“其实喺佢离世前两星期，同佢有个表演，当时我问佢点解瘦咗咁多，系咪减肥？然之后先听到其他朋友讲佢已经甩头发，所以佢𠮶日带住个假发我都唔知。佢嘅离世我哋真系好突然，因为一个咁好嘅人，如果早啲话俾我知，我可能揾到啲朋友帮到佢。因为我大表哥系威尔斯亲王院医癌症院长，佢专系医癌症。如果早啲话俾啲朋友知，咁可能帮到佢嘅，唔使咁快离去。所以见到佢咁，我就谂起好似我个妹咁，50岁又系因为癌症走咗。”