痞子殿下｜JW初尝拍剧打撃大　擦薄荷膏仍喊唔出：唔知系咪眼干

王灏儿JW日前作客TVB娱乐新闻台节目《StarTalk》接受主播许文轩（Edmond）专访，大谈推出新歌《纳斯卡线》感受。过去一年JW拍剧居多，较少推出非剧集歌曲，她说：“我想趁后生，趁有机会嘅时候，完成自己想做嘅嘢，例如尝试拍剧，所以上一年有机会接触到拍剧，就摆咗好多心机落去，希望做得好好。其实中间一有空档，自己都秘密录音同制作歌曲。新歌《纳斯卡线》其实喺一年前已经整好，但自己想成件事完整啲，想有咗全年嘅音乐计划先至一次过推出，唔想出咗一首歌之后又停咗落嚟，咁不如留返今年进行。大家唔使担心，我唱歌同拍剧两样嘢都会做，好似Lady Gaga都系唱唱下歌，发现自己好钟意演戏，所以我觉得钟意就要尝试，对我嚟讲两样嘢可以同步进行。”

JW表示今次推出新歌有种毕业后工作的感觉，她说：“过往自己仲新，好多嘢都交俾公司处理，今次好多嘢都亲力亲为，想要咩类型曲风、揾边啲音乐人同班底、拍MV揾咩导演，全部自己搞，呢个过程自己都学到好多嘢，但就有少少压力。而今次自己争取做返女主角，因为对演戏越嚟越有兴趣。其实系因为上完彭秀慧嘅Acting Class，开始发觉自己好钟意演戏，慢慢自己想喺MV部份都参与下。中间有一场闹交戏，我同男主角本身系冇任何对白，我哋自己去到现场Jam出嚟，出嚟效果好好。”

谈到上一年的拍剧实战经验时，JW说：“演戏系累积经验，自己觉得之前怕羞，所以以前拍MV真系唔敢望住人哋对眼。依家觉得拍剧好好玩，因为可以做另外一个人嘅生命。拍《痞子殿下》时有好几场戏要喊，但我拍喊戏真系觉得好难。我有亲眼见过周嘉洛、陈滢同朱敏瀚，佢哋一拍减戏，镜头一影，眼泪自然就流落嚟，我觉得佢哋好犀利。就算我滴埋眼药水，唔知我系咪眼干，我滴咗劲多都冇嘢出，吸晒！小宝教我擦少少薄荷膏喺对眼下面，我擦咗劲多，连啲眼妆都开始冇，我都系喊唔到，真系好大打击。慢慢我发觉最大嘅问题原来系我好钟意讲嘢，喺未埋位之前，又同摄影师，又同灯光师吹水！其实应该要培养感情，慢慢进入状态、入戏，咁样自自然然就可以，所以我决定拍嘢前唔会再同其他人讲嘢，咁就唔使依赖眼药水、薄荷膏。”

点击观看更多JW豪宅：