【迷】简淑儿同学都系靓新人　长腿陈颍熙 ：成日做学生妹好闷

《迷》收视平均得22点，但收视不代表剧集质素，《迷》几受网友欢迎，其中一个原因是女神简淑儿Jessica有份，不过简淑儿剧中随时要死，网友可能失去了一个追看点，亦可能令《迷》收视进一步受压。但网民是贪心的，在留意简淑儿期间，亦留意了剧中好友琪琪(陈颍熙饰)，即是奸角Sam(陈嘉辉饰)个女，虽然演技还有好大进步空间，但令网民有印象，就已经成功一半，不少网民觉得她有点像郭晶晶，不过陈颍熙接受《香港01》访问时，只担心网民觉得她太肥，她说:“郭晶晶？唔知㖞，我剩系想知有冇人觉得我好肥？我19岁入训练班啰，同期系何广沛，今次都好好彩，助导拣咗几个俾监制拣，我听讲系觉得我个样细个，所以有份，其实我成日做学生妹㗎，多到唔记得咗，我想做啲有挑战性嘅角色，好似做鹫哥对手，好想同佢合作，(要又俾佢掴㖞?)俾佢闹、掴都唔惊，做戏啫，成日做学生妹好闷。”

23岁陈颍熙Niki中五毕业后，做过一些文职就入行，自少就爱唱歌及表演，在无线挨嘅期间，亦跟老师学唱歌，在其facebook亦有上载自己唱歌片段，不过在无线4年其实都越做越灰心，直到《迷》琪琪这个角色出现，她说:“都谂紧4年都系咁….好快又26岁咁点算呢?路人甲乙丙都做咗好耐，妓女、美女又演过，其实都唔知点算，呢次好彩啰，如果有短期目标，梗系想好似简淑儿咁啦，又受欢迎，又开始有人觉得识做戏，如果做到阿田咁就最开心，做戏好又钖新人，记得第二集我要数钱，但做得唔好，阿田即场示范俾我睇应该点做，有场我要开门，但咁简单我都做唔到，佢又示范俾我睇，开完门之后眼神要望向边，又成日同人讲笑，令成个工作环境气氛好好，如果自己有佢一成都好啦。(《迷》之后又要做返路人甲?咁点算?)冇得惊，已经系啦，哈哈，《深宫计》都系做宫女，新人就系要等机会。其实我已经俾其他人幸运。”