有种老板娘｜黄宇诗被叫沾叔个女多年　无奈：点解其他人都有名？

黄沾的女儿黄宇诗最近为可宜主持的香港开电视节目《有种老板娘》做嘉宾，经营女性内衣专门店已经超过10年的她除了自爆上围尺寸外，更直言已练成目测“罩杯尺寸”的神技：“我好坦白，我𠮶时系着32A，但32A又好似有啲紧，拣大一个又离罩，自己又唔够肉，拣极都冇就开始研究啦。”可宜更大爆第一次见黄宇诗时的尴尬事：“佢做乜成日望住我个胸呀？（有咩？）又话我呢度好似有啲咩㖞，成日望住人哋个心口，都有啲尴尬㗎，虽然大家都系女仔。”

黄宇诗亦在节目中坦言星二代的身份令她压力大：“好坦白讲佢（黄沾）真系好劲，简直系前无古人后无来者嘅人，我嘅压力系来自于我无论几咁努力，譬如有人行过会讲‘呢个咪沾叔个女间舖啰’，我冇名㗎，佢唔会记得我系黄宇诗，因为佢（黄沾）个名气实在太大啦。我唔系介意做沾叔个女，但点解其他人都有名，而我都系叫“沾叔个女”？”

黄宇诗直言在事业上下了不少苦功：“讲真我真系努力，我唔系Hea做，但我睇完《梅艳芳》我就明了，因为梅艳芳冇后代，佢走咗会觉得好可惜，我好想怀念佢。我老豆走咗都好可惜，原来佢哋见到你会令佢哋谂起你老豆，原来我见到黄宇诗我会谂起沾叔，会将𠮶个情怀摆咗去你度，我开始明原来系咁样嚟而唔系啲人唔记得你，系好钟意我老豆，所以见到你系好开心。”

点撃下图睇黄宇诗近况：

现年45岁的黄宇诗乃填词家黄沾与前歌手华娃的幼女，表姐夫邓梓峰、表姐施明及表甥李泳汉、李泳豪均为演艺界人士。黄沾于华娃怀有黄宇诗之时，与作家林燕妮发展婚外情，华娃坚持大著肚子离婚，故黄宇诗自出生起便於单亲家庭成长。十年前黄宇诗已淡出娱乐圈，专注发展内衣事业。黄宇诗现任男友是测量公司董事彭庆余（Peter）。两人在2011年因修读人生课程时认识，并在翌年正式交往。