东张西望|两剂疫苗只能在同一诊所接种?　疫苗中心原来可酌情安排

政府日前宣布调整新型冠状病毒“疫苗通行证”接种要求，由5月31日起，所有“疫苗通行证”适用的一般人均须已接种第三剂疫苗。今晚播出嘅《东张西望》，观众麦小姐表示喺诊所打完第一针之后，由于诊所停止提供接种服务，于是佢只能透过政府网站预约接种，打算去接种中心接种。不过，麦小姐唔系见到预约已满就系话佢资料错误，但明明身边朋友都预约成功，《东张》打去疫苗接种计划热线查询， 得到嘅答复原来系接种人士只可以喺同一诊所接种。不过，如果好似麦小姐呢个情况，都可以同接种中心职员讲，对方会酌情安排即时接种。即系话，麦小姐只能walk-in接种中心，去同职员解释完先可以接种。

想打而冇得打嘅并非只得麦小姐，《东张》亦访问咗时装设计师邓达智，他在2020年7月时曾经确诊，由于佢先后两次患癌，因为而列为免疫力弱人士，唔适合接种第三剂，但邓达智认为每个人体质都唔同，加上佢已经系两年前染疫，体入抗体已经所剩无几，根本唔可以当一针。“虽然唔系好惊，但我近来系尽量唔出市区，尽量留喺新界屋企。”对于邓达智嘅情况，感染及传染病专科医生曾祈殷表示：“我觉得根据卫生防护中心指引，其实呢一类人士系应该接种四剂，佢本身感染过一次，扣一剂，佢应该至少要接种三剂。”