疫境中的餐桌｜梁茵被迫离巢后过档开电视　心痛黎彼得被忽视

有《3日2夜》之父称号的前无线电视（TVB）非戏剧节目监制及经理张志明过档开电视后的节目《疫境中的餐桌》继续邀请了林泳淘、梁凯宁和梁茵等女神，与两位星级名厨张锦祥（Ricky）和余健志（Jacky），教大家如何将冷冻食物和罐头等炮制成美食，非常吸睛！

当中，于无线处境剧《爱‧回家之开心速递》饰演“威龙潘金莲”Anita一角形象入屋的梁茵（Kiko）在去年10月离巢，虽然曝光率较以往低，但她于《疫境中的餐桌》中做嘉宾时依然Keep得非常好，状态满分。她接受《香港01》访问时透露：“其实喺某一次专访我都透露左之后会有合作嘅机会，估唔到节目咁快播出。（平时多唔多下厨？）我都系因为呢一场疫情先多咗煮嘢食，以前多数都系出街食饭，亦都好少会去街市买𩠌，呢个疫情改变左生活习惯，因为唔想餐餐都食外卖。”

对于不少《爱‧回家之开心速递》的昔日战友相继离去，梁茵亦透露仍有与他们联络，当中黎彼得做“通波仔”手术后陷经济困境一事更令她心痛：“我同Peter哥感情好好，以前都一齐返工放工食饭，佢教识我好多嘢，系一个才华洋溢嘅前辈，只可惜以前一直都俾人忽视，我都知道佢之前过得唔系太开心，其实大家都身处咁嘅环境好理解，不过而家好多人都愿意陪佢共渡难关，我都放心好多。（会挂住爱回家啲同事吗？）会呀，George（张明伟）同我都会经常约食饭，招浩明、豹哥、Peter哥都会关心我喺疫情下嘅生活。”

至于未来的工作计划，梁茵表示：“会喺唔同嘅平台发展，我觉得呢个时代，系应该百花齐放，如果仲用旧𠮶一套思想去经营电视频道，咁就实在太迂腐，会落后于其他人。因为近年香港人都注重咗健康，多咗好多人都会健身又或者系瑜伽，但系因为健身室关闭咗所以就选择喺户外行山，亦都同唔同嘅公司拍摄左一啲关于行山嘅片，希望系呢段疫症期间俾多啲正能量香港人。”

点撃下图睇更多索爆靓相：