东张西望｜安老院舍成重灾区　职员求助无门：返工连水都唔敢饮

第五波疫情至今，累计5188人死亡，其中三分之一系来至全面失守的安老及残疾院舍。特首林郑月娥上周推出紧急补救院舍措施，包括争取在3月18日前为全港院舍院友接种第一剂疫苗、将对部份院舍进行“闭环管理”。今晚播出嘅《东张西望》，分别访问了几间老人院嘅员工，大部分都认为措施来得太迟。

张姑娘及阮姑娘分别喺两间大型安老院工作，张姑娘表示短短一个月差不多有九成四院友染疫、10人离世，而阮姑娘嘅院舍共50人，有42人染疫、３人离世。张姑娘表示曾经都跟随卫生署指引进行原址隔离，但好快就沦陷，加上当时有近一半员工亦确诊，令其他同事百上加斤，长时间工作之余，就连水都唔敢饮。张姑娘表示喺第五波初期，唔少长者都愿意接种疫苗，但当佢哋联络卫生署时，对方一直话冇期、安排唔到医生。“最后安全系3月1，但我院舍2月19号已经有人确诊，3月1日系来得太迟。”

节目中，亦访问咗安老院前线工作人员温小姐，佢之前因为怕影响到家人，所以租酒店住，但过程并不顺利。“对方话因为怕老人院有大规模爆发，所以唔租，我哋情绪上好大压力。”温小姐后来成功以1万5元月租某酒店。“我份粮啱啱好用嚟交租，再叫埋外卖就冇晒，等如白做一个月。而家政府先嚟闭环管理，我钱都比晒，同埋我哋院舍啲人都已经好返，你话听到系未好激气。”安老院危长蔡仲荣指闭环管理只开放矛非零确诊院舍参加，同埋酒店喺窝打老道，对于院舍喺锦田嘅佢来说，确系非常唔方便，所以亦唔打算参加。