940920．专访︱刘俊谦爆蔡思韵不为人知一面：唔觉得佢系女神！

ViuTV剧集《940920》由刘俊谦和蔡思韵领衔主演，两人分别化身成不同时空的余家聪和林楚凝，交织出一段横跨廿年的穿越故事，而第八集蔡思韵决意留下刘俊谦独自重返94年9月20日，牺牲自己去拯救对方妈妈（简慕华饰）时，更是令人百感交集，既甜蜜又痛心！现实中是情侣兼第三次合作的他们日前接受《香港01》访问时便大谈拍摄时的心路经历，以及各自对伴侣的看法。

谈到刘俊谦在《940920》中一人分饰“会长聪”和“作家聪”，看似难度甚大，但他分享感受时却指难度并非重点：“系我觉得好好玩，其实今次做番读哲学嘅余家聪，都系有少少唔同，喺设计上都有令佢丰富啲；另外嘅作家余家聪处理上就容易少少，因为系新人物，所以喺之前都有同导演、编剧倾，到底个角色点样至好睇啲。”谈到“作家聪”有少少自恋，问是否有他真人的影子时，他笑说：“咁我就唔系自恋嘅，工作需要啫！（个角色有几多成系自己？）呢个系演员嘅秘密嚟，到底我系咪自恋，就要大家估下！ ”

点击下图观看刘俊谦靓仔相：

提到《940920》沿用《二月廿九》台前幕后，班底亦有一定默契，问蔡思韵融入时有否感到困难时，她说：“我系一个新嘅角色，所以我嘅自由度都好大，所以唔会畀《二月廿九》局限咗自己，同埋都好融入到件事，成班人做嘢系好好玩。”问刘俊谦有否帮她更融入剧组？刘俊谦搞笑地说：“反而系佢帮我更多！有一日好攰，好记得当日系打风打得好劲，𠮶日系拍咗十几个钟，拍到头昏脑胀，我自己唔系做得几好，但系我开始唔系好判断到，蔡思韵就走过嚟同我讲，我咁咁咁做系咪会好啲，真系彷如明灯点醒我，对我嚟讲系一个好大嘅救赎，燃点咗我生命，所以我真系要多谢佢，我而家讲番都有少少感动！”搞到全场大笑，而蔡思韵就指上述情况只是个别情况，平时甚少对男友的演绎有太大意见：“不过有就会直接讲！”

点击下图观看蔡思韵靓女相：

谈到两人被喻为新一代“男神”、“女神”和“金童玉女”，他们均不以为然，并指自己其实也是普通人，刘俊谦更说：“我亦唔觉得蔡思韵系女神，咁样相处系好辛苦，即系对方唔系人嚟咋㖞，其实大家都系人，有好同唔好嘅地方。”今次是第三次合作，会否认识对方更多不同面貌？刘俊谦说：“都真系会，同平日相处系好唔同，平时系男女朋友嘅关系，做嘢就系两个演员但同时系男女朋友，所以有啲嘢又需要分开，我点样Respect对方系一个演员，唔将太个人情感带落工作里面。（收工唔倾公事？）哗，开足廿个钟，一收工就各自返屋企瞓觉觉啦！”蔡思韵则补充说：“不过平时生活突然个脑闪过啲灵感，都真系会提出拎嚟讨论！（同《幻爱》未拍拖时好唔同？）而家系直接好多，会更加信任对方。”刘俊谦闻言后继续发挥搞笑本色，更大爆女友不为人知一面：“真系唔同，当时真系觉得佢系女神，唔熟嘛，好文艺啦，好优雅啦，但识落就好搞笑、好爽快，甚至有少少孩子气，有时见到佢就好似见到小朋友喺草地‘哈哈哈，追我吖’咁。”搞到蔡思韵不知如何是好：“我冇嘢想回应！”非常有趣。

点击观看蔡思韵被刘俊谦爆料时生无可恋连环图：