张伟文染疫急送入院　区瑞强传语音打气：千祈要撑住，你要唱歌！

被封为“民歌王子”的区瑞强（Albert）今日（18/3）现身旺角音乐学校为课程《民歌结他弹唱班》举行记者会。Albert表示：“其实点解我会开班教结他唱民歌呢？喺50年前嘅我未系歌手之前，我喺全职系结他导师。咁所以而家我好想将呢啲嘢传承落去，尤其喺疫情呢段期间，可让我有空间去谂我想做嘅嘢。话晒我都有40年冇落手去教人弹结他。而今次我哋搞呢个班，全程系透过互联网上堂，而且同一时间系可以对几个人，唔使好似以前咁要亲身教一对一。而且而家我啲学生来自世界各地，远至有冰岛嘅学生，咁所以可以话系冇界限。”

对于好友张伟文最前染疫入院，Albert表示他情况安好：“当我知道佢中咗之后，就即尝试联络佢，但就揾唔到。但最终系佢周边嘅人话我知佢嘅情况Ok。于是我就留话音讯俾佢同佢讲：‘你千祈要撑住，因为你要继续唱歌呀’。我知佢一生人最钟意唱歌，所以我就用呢样嘢去鼓励佢，希望佢可以快啲好康复起来。（几耐冇见过佢？）都有成年。（有指张伟文晚年陷入经济困难？）我谂佢冇嘅，因为佢需要唔多嘅，佢都系需要一啲基本嘅嘢，佢同我哋讲都有啲积蓄。”