江嘉敏座驾被人刮花后惨遭恐吓极委屈　“冇人见到就当自己冇做”

江嘉敏的性格向来都敢作敢言，昨日（15日）她在Instagram分享一段自己私家车被车主撞到刮花后，不顾而去却被对方恐吓的经历，令她觉得既委屈又伤心：“做咗错事冇人见到冇人影到冇CCTV影到就当自己冇做！”

早前江嘉敏发现自己的私家车后方有一道刮花痕，但又一直联络不到该名将她的车刮花的车主，于是主动放纸条与对方联络，昨日她却被管理员叔叔指手划脚痛骂：“（佢）话车主叫佢同我讲：‘报警啰！惊你啊！’我觉得就算系有心定无意，刮花咗就系刮花咗，咁样都算系一个交通意外，唔应该因为见到大厦停车场冇CCTV，见到我架车冇后cam就心存侥幸。”她补充表示虽然车伤得不严重，但去车房修理都要三、四千。

江嘉敏坦言被对方恶人先告状很不开心，不明白为何有人做错事可以不负责任：“我唔明点解啲人可以完全不负责，成日觉得心存侥幸，做咗错事冇人见到冇人影到冇CCTV影到就当自己冇做。”她忆述以前试过见到街上见到有人泊车时不小心撞到前方的车，但对方落车看完之后竟然马上准备离开，她马上上前阻止：“我当刻谂都唔谂即刻企系佢架车面前唔俾佢走！我同佢讲：‘你撞到人哋架车仲想走？’佢话：‘前面个车主都唔喺度，又唔知佢几时返，花咗少少咋嘛由佢啦！’”

她继续站在原地向对方讲道理：“唔系花咗少少嘅问题，咁你始终都系撞到人哋架车，点可以不顾而去？今次好彩就系撞到架冇人嘅车，咁如果下次唔小心撞到只狗撞到个人，咁啱附近冇人见到，你系咪又会就咁走咗去？就算车主唔喺度，你都可以写张字条同人讲声对唔住，之后有啲咩事可以联络你，咁样先系负责任嘅司机。”江嘉敏称明白可能会有很多人觉得自己太多事，但她都觉得自己没有做错：“可能好多人会觉得我咁样好多事，我凭咩去教导人，但起码我觉得自己做咗一样啱嘅事。”