吴浩康郭思琳注册结婚感动到喊　感激老板杨受成博士送大利是畀BB

吴浩康（Deep）与郭思琳（Margiela）日前宣布结婚，一对新人周二（15日）注册并举行小型婚礼。婚礼上当然少不了“爱的宣言”，Deep表示自己度了多个晚上，“都系围绕住多谢佢，多谢佢愿意嫁俾我、愿意同我一齐去经历我哋嘅人生、愿意同我一齐去遮风挡雨。我哋各自对大家嘅承诺，就留番俾我哋两夫妻啦，多谢大家嘅祝福、多谢大家嘅关心。”Margiela则说：“佢同我结婚已经系一个承诺嚟㗎啦，所以佢唔驶讲我已经收到晒。”准备婚礼期间，亦发生不少 “虾碌”事，Deep谓：“过程虽然好简单，但系虾碌嘢都多，因为而家啲速递、运输都受到影响，所以变咗我哋订咗好多装饰嘅嘢其实都好多冇嚟，最后我哋系喺山边执树枝，去完成个装饰。”

由于疫情期间举行婚礼，所以未能邀请太多亲友出席，Deep表示一定会补办婚宴，“之后一定会补摆婚礼嘅，但我哋想注咗册先，所以今次唔好意思，请唔到好多嘅朋友嚟，亦都招呼唔到各位嘅传媒朋友，所以多多见谅。”正式注册时，Deep跟Margiela更是喊唔停，Deep说：“注册好紧张，冇谂过咁紧张，都好多感动，特别系我自己见到自己爸爸喺度，其实我都冇乜点停过喊。”Margiela见Deep喊到“决堤”，自己都忍不住，“我冇谂过会喊得咁犀利，我一见到佢喊我又忍唔住喊，佢太眼浅啦，我成日要安抚佢。”

提到疫情下举行婚礼，Deep坦言无论疫情与否，都是最难忘，“因为冇经验，虾碌百出，感谢太太嘅包容，虽然冇一个十全十美嘅婚礼，但亦都系疫情见证下嘅一个完美婚礼。”问到Margiela婚后第一课，她笑说要“见识”婚姻的恐怖，“我觉得有太多嘢要去学习，尤其是要学做一个好嘅太太、好嘅妈妈，同埋我同你嘅相处啦，呢个系人生课题，太多嘢要学，因为我未经历，我都系啱啱新婚，所以我暂时觉得我哋嘅相处系大前题，好多人都话结咗婚后系另一个境界，我都想快啲经历吓睇吓有几恐怖，哈哈。”

除了成为“人夫”， Deep亦快将成为爸爸，问到首胎是仔定女，Deep表示要保持神秘感暂不透露，但仔女都钟意，“其实仔定女都会好钟意，因为自己都好期待。而家我哋两个都系专注喺第一个小朋友度先，因为都系第一次做爸爸妈妈，所以有好多嘢都未知，好多情况要兼顾啲乜嘢，所以我哋嘅焦点都系喺呢个bb度先。”Deep透露老板杨受成博士会送大利是给BB，“老板杨生话会封大利事俾我个BB，其实收到老板嘅祝福已经好开心啦，因为老板真系睇住我成长，照顾咗我二十年，都系我半个爸爸，所以有自己咁尊敬嘅人嘅祝福，其实已经系好大嘅礼物。”