J2推节目《CP训练营》被指似《双层公寓》　C君澄清︰完全唔系！

“香港国际影视展（线上版）”（FILMART Online）于2022年3月14至17日举行。无线（TVB）以大量新剧集和综艺节目参展，当中主打年轻观众路线的J2台，也即将推出8个新的综艺节目。J2收视一向没有翡翠台的高，J2台创意总监C君（郑诗君）接受《香港01》访问时直言︰“我哋又唔系要孭住几多十点（收视），我哋咪可以有好多嘅空间去试。”

J2在FLIMART参展的节目是筹备中，C君明言“全部节目都系所有幕后参与”， 这也是他个人的工作习惯，他强调︰“冇嘢系可以一个人谂得晒。”一次过推出8个新节目，C君表示︰“我答唔到点为之大搞点为之细搞，总之就唔系唔搞。净系希望做好节目，冇特别谂突唔突围。FILMART嘅节目都喺筹备阶段，而且都系认为有趣嘅ideas，希望真正制作出嚟系好睇。”

8个节目中，有人指《CP训练营》撞桥《双层公寓》（Terrace House）等节目，但C君表示“完全唔系”，《CP训练营》并不是“Dating Show”，团队向他“sell桥”时，他觉得几有趣。根据TVB的节目简介描述，《CP训练营》是“萤幕情侣训练营”，简介写道︰“以大学Ocamp形式，安排年轻单身男女演员入住大屋相处一室，为他们进行屏幕情侣的恋爱和演艺训练。透过几位异性拍档的约会和排戏，看看他们会否日久生情。最后选出来的一对最佳屏幕情侣将会合作出演剧集。”又写道︰“俊男美女朝夕相对，渐生情愫，多角关系随时比剧本更精彩。”

另外，《贫穷限制想像》是由方绍聪（奶仔）主持，节目组将与奶仔一齐体验各种难以想像的奢华生活，听上去好似几吸引，但也有离地之嫌，Ｃ君表示︰“所以咪点解揾奶仔！奶仔佢当然唔系一个富翁，所以佢会见到呢啲嘢嘅时间，佢会觉得原来有人系咁生活！”让观众看得更加投入。另一个节目《意外步出》，原来并非一个野外求生节目，而是面对意外时如何应对，包括城市及家居的意外，更找了洪太梁诺妍（Inez）做主持，C君说︰“揾Inez系因为佢运动好叻、人又好聪明好亲和。”但他明言节目仍在初步构思，希望她可以担当主持。

点击下图看8个节目和简介︰

讲到J2台收视低的问题，C君就看到另一面的好处，“我觉得佢同时间又畀多啲空间你可以做多啲唔同嘅节目，我唔需要serve紧好多好mass（嘅观众）”，可以“有好大嘅尝试空间”。J2的路线主打年轻观众层，C君避谈会否跟ViuTV相似，只说现时也是尝试的阶段，“所以我成日都觉得试吓先啦大家，慢慢做吓先，我成日都系希望啲节目系好睇，同时间我哋又唔系好大嘅包袱，我哋又唔系要孭住几多十点，我哋咪可以有好多嘅空间去试。”他又指自己好似一个看更一样，看住不同团队，不希望介入太多创作，“咁如果全部我谂我要介入，咁咪冇咗佢哋团队嘅特色？我系唔会咁。”讲到跟ViuTV的比较，他直言︰“做任何嘢大家都比较㗎啦！最紧要系自己点谂，我哋首先做好自己嘅节目先啦！我都希望系咁，以往都冇呢个角色做呢个看更，我而家咪做看更啰！”他又说︰“最好系去到有一日看更都唔使就正啦！咁就证明治安好好啦！”

不过，现时J2台的黄金时段，有时会重播旧节目，的确是一大弊病，C君回应这个问题时明言︰“陆陆续续啦！慢慢啦！我成日强调，大家都问，我都系强调𠮶样嘢系慢慢嚟啦！答唔到太多嘢，慢慢做，希望大家睇到。”

点击下图看TVB在FILMART推出的其他综艺节目︰

还有ViuTV出现在FILMART已播出或未播出的节目︰

同场加映︰边位应届港姐最受重用？　陈圣瑜又主持新带货节目威过冠军宋宛颖