吴浩康自爆彩排婚礼时爆喊　大赞老婆有孝心：佢对父母好上心

吴浩康（Deep）与郭思琳（Margiela）早前宣布结婚，今天（15日）已经举行婚礼， Deep回复传媒表示，婚礼前两晚已经紧张到睡不着，向来眼浅的他更在彩排时已经哭出来，“自己朝早起身去睇set up，企喺度谂要讲啲乜嘢？有边个会嚟？要多谢边一位？瞓唔到，两日都五点几、六点就醒咗，所以都几攰同几紧张。朝早自己演练嘅时候已经喊咗。”

Deep不忘大赞老婆郭思琳：“我钟意太太系一个好率直、好简单嘅人，有乜就讲乜，同佢相处唔使估，系好向往同佢相处。佢唔止对父母好上心、好爱锡，对其他屋企人都好关心照顾，好欣赏佢对家庭呢个态度。”对于太太值多少分，Deep不敢妄下判断：“哗！俾太太几多分都唔够㖞，唔可以乱咁俾分，呢个系我啱啱新婚学识嘅事，所以太太一定系超过满分㗎啦。”

荣升人夫，Deep坦言心态要再重新调整自己，很多事情需要重新学习：“无论系相处、对事件嘅睇法、价值观都唔同咗，所以而家变得谦卑咗。过往当大家沟通有问题嘅时候，会觉得，‘喂！你唔明白我。’、‘我系啱嘅。’、‘我识呢件事，你应该要听我讲。’而家会调番转，‘可能有啲嘢我唔知呢。’、‘可能我未识呢。’、‘可能我唔了解呢。’我都需要重新去学过，希望可以帮到个关系。”

点击睇二人婚礼照片！