新冠肺炎︱TVB拟推“闭环式”工作空间 马国明：未必啱我哋剧组
撰文： 陈芷颖
出版：更新：
本港第五波疫情严峻，确诊数字高企，早前更传出疑禁足全民检测，令市面出现抢购潮。马国明接受《香港01》访问时表示保持平常心，以及尽量减少外出：“唔系好担心，一直有做检测，暂时好彩仲未有事。自己尽量小心啲，减少咗好多出街。”
市面早前出现抢购潮，马明指自己未有抢购物资，平日去开的超级市场亦货源充足：“听新闻话廿几号先全民检测，仲有十几日，都唔使咁早去抢物资，冇特登去抢物资，每次去超级市场都会买多少少，唔使咁频出去买嘢。我去𠮶间冇货架清空晒咁夸张，系有啲嘢卖晒，但仲有好多都有货。”
受疫情影响，TVB所有剧组暂时停工，马明表示工作上一定会有影响：“套剧停咗，等公司安排，延期一定有，不过平常心。希望疫情快啲过可以开拍返，套剧唔系拍净好多，希望可以尽快开返工拍埋佢。多啲留喺屋企，会做下运动、睇戏，疫情快啲过就可以过返正常生活，好想快啲踢返波。”今日（11日），有传TVB将推出“闭环式”工作空间，马明指一切等公司安排：“套剧唔系净返好多厂景，呢个政策未必啱我哋剧组，净返大部分都系外景。可能第二啲剧啱啲，我哋套剧就未必好帮到手，不过都系等公司安排。”
点撃睇更多马明、靓汤照片：
+14