飞虎3壮志英雄｜开工首日见吴卓羲亡命跳楼　Jai Day：佢真系癫㗎

无线剧集《飞虎3壮志英雄》今晚（10/03）一集讲到瓦干布首领Leo（Jai Day饰）为了救出妹妹Renee（何慈茵饰）而设下陷阱，后来于引爆炸弹前一刻就被阿乐（吴卓羲饰）打死，何慈茵见自己哥哥死去，更最后更自杀身亡。

大家可能会对Jai Day感觉陌生，但又有些“面善”，其实他自2010年入行以来已参演过不少电影、剧集，例如《Pacific Rim》、《追龙》、《绝地逃亡》等。Jai Day接受《香港01》电话访问时，自言他自3岁起就在香港生活，说：“喺CVID之前，我除咗做戏之外，朝早就会做训练、同女朋友一齐带只狗落街散步，之后就会上吓线上演员课堂进修演技，之后排一排戏，基本上每日行程都系咁。讲到香港食嘢，我最钟意最钟意就系炒蛋治，仲有常餐！”他表示，自己于3岁起开始于香港生活，早年任职律师的爸爸因为从澳大利亚游历到香港后而定居于此，后来更当上了律师、法官，而他则朝住演员路进发。

他表示，大概由于小时候看惯了TVB和电影的关系，因而对做演员产生浓厚兴趣，说：“我细个就已经决定要做演员，可能系细个成日睇消防员（烈火雄心）、警察嘅关系，当然仲有动作电影。It just blow my mind（令我好震撼），Stephen Chow（周星驰），Jackie Chan仲有《少林足球》。我好钟意做演员，因为可以有好多不同嘅经历，体验到好多人性变化。虽然做演员好唔容易，但系我好钟意我而家做紧嘅事。”

他亦说，自己在2016年参演过的《绝地逃亡》为他留在深刻的印象，说：“拍《Skip Trace》嘅时候我哋成班人感情都好好，同埋都好兴奋，因为呢次系我第一次见到成龙，仲可以同佢一齐合作。有一次同安志杰拍《Abduction》都好难忘，佢打完我之后想用个厕所浸死我。”接着他又说到，参演《飞虎3壮志英雄》亦为他带来不少有趣回忆，说：“其实今晚𠮶场都好深刻，故事讲我要揸车喺停车场入面飞车，同一时间吴卓羲又绑住咗喺车门。我仲记得个工作人员当时同我讲：‘Jai drive into the carpark, but not to kill him.’（揸架车入停车场，但系唔好揸到杀死佢）当然，佢（吴卓羲）真系完全唔惊。我第一日返工，仲见到佢由10楼高跳落嚟，佢真系癫㗎，He's badass（狠角色），由𠮶日开始我就好敬佩佢。何慈恩都好厉害！乜嘢动作场面都系佢自己做。”

Jai Day坦言演员路实在不易走，近年他亦需经常于亚洲、美国两边走参与电影、剧集拍摄。他说：“除咗拍戏，我仲喺演艺学院做过儿童舞台剧，叫做《Gruffalo》。大约一年半前，我都开咗一间教演技嘅学校“The Actors Gym.”，好好笑，之前仲有开嘅时候，我拍完《飞3》仲成头血咁返去学校，不过而家因为疫情就暂时关闭咗。”