罗钧满北上变失踪人口　原来开铺卖茶饮做老板

罗钧满自2016年离巢后，随即到内地发展，不过好快就已经变成“失踪人口”，直到去年喺大湾区中秋电影音乐晚会《湾区升明月》上，与谭咏麟以及赵浚承演唱歌曲《朋友》，令唔少观众都感到十分意外。

幕前工作虽然未见起色，不过原来罗钧满亦有另一手准备，新铺“茶运亨通”日前喺广州开业，他更在微博发文表示“每一款都是由推荐官本人悉心调制，只为调出大家最爱的味道！感谢到场支持的每一位粉丝和朋友”，罗钧满又指为咗调制出大家喜欢嘅茶，每日试30几多杯茶。由微博嘅照片所见，有唔少客人都揾罗钧满合照、签名，生意似乎唔错。

38岁嘅罗钧满，09年喺艺员训练班毕业后，星运都算唔错，可惜佢偷食、醉酒闹市、醉驾样样做齐，至2016年与TVB解约后转战内地，不过成绩亦唔算理想。