张慧仪拍《西游记》被撩“好靓”　苏永康：方逸华行过我地都咁讲

由张慧仪、廖子妤主持的香港开电视节目《晒ya马拉moi》播最后两集，张慧仪邀请了苏永康担任压轴嘉宾，并亲自下厨炮制马拉菜款待对方；二人除大谈相识渊源外，苏永康更在镜头前向张慧仪致敬，大赞她无私地为养子付出，要向对方好好学习这份爱。

张慧仪透露跟苏永康首次碰面是在拍摄《西游记》时，她说：“当时我拍《西游记》，佢喺另一个厂拍法庭戏，𠮶时我要去洗手间，见到佢同几个男同事（陶大宇、欧阳震华、骆应钧），窃窃私语，远远望到，我个心谂‘都冇好嘢’，当我行过时，佢哋叫咗我一声‘张慧仪’，我好唔耐烦咁话咩事呀，点知你哋话‘你好靓呀’，搞到我有啲唔好意思！”苏永康闻言即哈哈大笑谓：“其实当时只不过几个人坐喺度，拍𠮶套法庭戏又冇剧本，冇嘢做；唔好意思，𠮶日行过嘅系方逸华女士，我哋都会系咁讲，当然你真系好靓。”

苏永康直言跟张慧仪虽不是最熟稔的朋友，但对于对方无私地照顾养子，这份伟大的爱作出崇高致意，他说：“十几年前，喺北京碰面，知道你将会带一个小朋友一齐生活，𠮶刻我觉得有啲突然，当时我哋30岁出头，带一个小朋友，对我哋嚟讲系一个唔能够想像嘅大责任，听到你点解要收养佢，知道佢身体唔健康，要用好多时间去照顾佢，当时我心底系祝福你，知道呢条路唔易行，直至我做咗爸爸，回望番你条道路，(我)更加之尊敬(你)，当我小朋友发烧、头晕身㷫，我会紧张到喺台上跌咪，所以好理解你嘅感受，好多朋友对你感觉系‘张慧仪系好靓嘅女仔、好性感嘅女人’，但(你)内心嘅爱大到我自己都肃然起敬。”