专访｜Anson Lo个性力求完美 唔怕受压：未到完整一刻都会好panic
Anson Lo（卢瀚霆）去年以《Megahit》首夺叱咤十大，这对认为做跳唱歌手是难事的他来说，如同一剂强心针。踏入2022年，继续在跳唱路上寻求突破，新歌《Mr. Stranger》以EDM曲风唱出阴暗一面，配上贵气吸血鬼造型。追求极致的同时，压力再次来袭，连他亦笑言：“自己有呢个坚持，其实系一个坑……”
同是跳唱歌，《Megahit》感觉鲜明、派对，而《Mr. Stranger》虽然节奏明快，但走暗黑风格，新曲的概念与造型全是Anson Lo的想法:“因为成日觉得做跳唱歌可以表达嘅意思好少，冇理由用一首bomb bomb快歌去讲悲伤嘅恋爱故事，所以好多时做快歌都要有较为强势嘅主题，今次讲一啲自己真正嘅内心感受，即系到底我呢几个经历紧啲咩、最大压力来源系能否满足观众同神徒嘅期望、我试新嘢大家又能否接受，所以2022年第一首歌做得比较personal。”
任性造型 珍贵额头
新歌造型曝光后，神徒洗版式留言“想俾你吸晒啲血”足见Anson Lo的任性其实并不任性。“因为好多神徒都讲过想睇吸血鬼呢个主题喺我身上会系点，咁不如今次正式去做。”宠粉并非得个“讲”字，为了似模似样，拍摄MV前参考了不少吸血鬼的造型：“好唔好睇见智见仁，但我今次都试咗新发型，同埋因为对隐形眼镜好厚，又戴好长时间，所以真系好唔舒服，但感觉好鲜明。”向来严守额头的Anson Lo，在MV中所出的让步，他笑言已是极大的进步：“之前系连少少额头都唔想比人睇到，但而家会慢慢披露，有生之年都应该会all back一次。”
自揭阴暗一面
《Mr. Stranger》由王乐仪填词，讲述撕开自身鲜为人知的黑暗面时，要如何拥抱自身这种缺陷美。Anson Lo认为每个人对黑暗面的定义都有所不同，平日予人斯人、正能量的他，会担心大家能否接受他懒惰、随性、有脾气的一面：“因为2021年系好开心的一年，多咗好多唔同层面嘅观众认识Anson Lo，但随之而来嘅系压力，因为每个人都有既有嘅期望，所以呢首歌系想抒发自己喺形象上嘅压力。”《Mr. Stranger》是《Megahit》后的派台歌，或许有不少人期待同样的风格、 甚至想再一次Uh-Oh Uh-Oh，但Anson Lo却懂得见好就收。“自己唔想做同一样嘢，质素上每次都想带到新鲜感俾观众睇，其实呢个先系最大压力，自已有呢份坚持，其实系一个坑。今次首先系谂到黑暗，但《EGO》时已经试过，要点先令大家分到两首歌嘅不同之处，呢个就系质素上嘅最大压力。”
教母见MAMA奖眼湿湿
访问中，Anson Lo不止一次提及压力，问到会否因而忽略了享受的部份，他认真地解释：“练舞一百次我都未必完全享受，我自己性格系咁，每次一样嘢ongoing 时就会好绷紧、会想件事好，未到完整一刻都会好panic。你问我有冇享受，系有嘅，拍mv时我系享受、唱live时我系享受、电影roll 机我系享受，而预备时所面对嘅压力系承受到，因为咁先会有要求、先想做得好，太轻松都未必系好事。”去年歌影视全面发展的同时，背后承受了不少压力，幸好付出与收入成正比，在韩国音乐颁奖典礼MAMA上，获“最佳新人亚洲歌手”奖，日前奖座终于空运抵港，第一个感觉系十分重手！“喺公司拆𠮶下其实系开心，但最感动系递俾嗲哋、妈咪𠮶阵，嗲哋系兴奋，妈咪系有少少眼湿湿，因为佢向来都唔会太讲自己感受，见到佢眼湿湿好似终于做到一张成绩表，可以令父母放心，上次自己嘅行程咁密都系值得。”
服装：Marc Jacobs, Giuseppe Zanotti
Makeup：Rainbow Chung @Annie G. Chan Makeup Centre
Hair：Denny ku @CHIC Private I Salon