陈敏之大爆胡定欣挑剔吓怕异性　羡慕对方住海景豪宅：租都唔平

陈敏之经营的YouTube频道节目《Chi Chat》日前请了好姊妹胡定欣做嘉宾，节目中除了大爆处女座的胡定欣私下要求高，更称她强硬外表吓怕异性！

陈敏之在节目中透露非常羡慕胡定欣豪宅外的大海景：“你IG𠮶啲夕阳，我见到心谂好巴闭咩而家，我好辛苦呀，你嚟帮我凑呀，你对住海喺度吟诗作对，我真系觉得好正……你租都唔平（你都负担得起），真系唔得，你生就知，咩都畀晒个仔。”据知，胡定欣目前住在清水湾豪宅“傲泷”，与王浩信、袁伟豪，周柏豪等人做邻居，她更经常对住一望无际的大海晒太阳。

陈敏之又大爆处女座的胡定欣比较挑剔，对自己要求高，而胡定欣亦承认：“其实对人哋要求仲高，唔系一件好事，尤其系对人，我对自己要求高系OK，但对身边嘅嘢更加高要求，因为永远身边嘅嘢系永远你都控制唔到，但你又要有要求㖞，所以大个咗，经历多咗，你就知道要点样将处女座嘅特质去平衡。你就系知道自己要求多，麻烦，首先呢个系你自己嘅谂法，你自己嘅要求，但系咪等于一定系最好呢？唔一定。”

陈敏之称听不少男同事觉得胡定欣好严肃，更指方力申因觉得胡定欣好恶而未有考虑追求。对此，胡定欣称：“讲咩呀你？大家见到嘅我系工作环境嘅我哋，私底下嘅你唔会无啦啦喺镜头见到，BB……我又唔想分享，𠮶个系工作。”而胡定欣亦曾在节目《单对单》中透露眼看同期成长的朋友都已成家立室，亦不讳言曾经历寻觅伴侣的沮丧……