飞虎3壮志英雄｜黄宗泽吴卓羲评女角　蔡思贝最调皮陈滢劲虾人

剧集《飞虎3壮志英雄》已于无线（TVB）播出，卡士阵容堪比现同于TVB热播中的电视剧《家族荣耀》，包括苗侨伟、黄宗泽、吴卓羲、张兆辉、马德钟、陈豪、郭晋安等人；女角方面，则由姚子羚、陈滢及蔡思贝领衔主演。

近日黄宗泽（Bosco）和吴卓羲（Ron）接受TVB娱乐台《Star Talk》访问。谈及戏中辛酸，Ron认为要在早上7点拍10次跳楼戏最辛苦。而Bosco透露拍摄一打十、一镜到尾戏份时，因严重缺水导致双脚抽筋，他说：“当时正值炎夏，Full Gear啦，仲要喺一个人阔啲啲嘅窄巷里面打。拍完之后谂住轻松啲啦，点知开始抽筋，但唔系一般嘅抽筋。最惨嘅系由左脚脚掌开始抽，旁边有救护员喺度帮手拉，拉完冇事啦，点知右脚又开始抽，点知搞掂之后，左脚又开始抽返，我就话唔系呀嘛！”

Ron在剧中则有多位女伴，令人称羡，Ron却笑言对付蔡思贝不容易，他直言：“好吃力㗎你知唔知呀！我又要查案，又要著飞虎Full Gear，又要对住蔡思贝呢啲咁调皮嘅。”至于姚子羚方面，Ron则形容姚子羚有一场戏很主动，但他却将“动”误说成了“顿”，他笑言是由于提起这场吻戏心有余悸，才读错字，惹来全场爆笑。他坦言：“佢有一场戏系好主顿（动）㗎！谂起我都余悸呀！𠮶场戏其实系姚子羚锡我𠮶场，系喺医院度，因为我救咗佢阿哥。佢想出门口，欲言又止咁，最后都系锡我啦咁样。我去到现场先睇到剧本，见到要锡㖞！”虽则当日才知要拍吻戏，Ron仍然专业地完成了戏份。

另一边厢的Bosco则“伸冤”称被陈滢欺负，他开玩笑道：“我今次对住陈滢，我仲要喺戏里面畀佢恰㖞！戏入面佢虾我，真系离晒大谱。”提及与陈滢亲热戏，问到是否蜻蜓点水式接吻，Bosco笑住否认，更“投诉”拍床上戏时牺牲色相不特只，更遭陈滢抢被，他说：“蜻蜓？点水都冇呀！一个饮醉酒，第二朝瞓醒，就已经喺张床度，过程都冇呀！仲要牺牲色相，净系著住条底横呀！总之一瞓醒就瞓喺我隔篱，掀开张被得返条底裤。陈滢仲要抢走咗我张被，我得返条底裤。跟住佢就冲咗入去厕所，跟住我阿妈入嚟，我即刻攞枕头遮住自己。”

点击睇打女何慈茵（Charlene）首集演出精华以及她的靓相：

《飞虎3壮志英雄》床上戏片段：