ig女神贝依霖坐拥8万fans　坚拒收兵仔：我会主动出击

《初恋日记：贱男蜜扰》2月24日上映，大家进场观看的焦点可能会是王敏奕与马志威2位，原来戏中尚有一位靓女大家一定要识，她就是Chantale贝依霖，这位23岁靓女的instagram粉丝人数更有8万多人follow，绝对系女神级别。

Chantale原来由4年前开始学习纲管舞，她说：“因为我学嘅时候冇咩人学，都几冷门，我又有兴趣去学。”“同埋本身自己喺跳舞底嘅，不嬲都钟意嘅，未试过pole-dance呢样嘢，所以就去试下。”Chantale的社交媒体多人留意，但Facebook 或IG上亦有人私信骚扰：“有试过收到一啲不雅照片，信息文字就系叫你去返part-time𠮶啲。个频率都多架。我唔会将佢放系心上啰，都唔系第一日跳pole dance，都唔系第一日做𠮶啲幕前嘅嘢，亦都唔系第一次遇到。依家纯綷当对方系痴线佬笑下就算。”

 

贵为IG女神，原来Chantale唔钟意做娘娘收兵：“无兵，我比得佢埋身，一定系钟意佢，而钟意佢我一定会主动出击，如果唔钟意一定唔会比机会留系身边！”又问到现时有没有追求者？“依家有人追，不过我希望比我自己钟意嘅人追多啲，我都想架，如果有人肯嘅话，女仔都系钟意多人锡。”看来女生的心态真的很飘忽，又想有追求者，又不喜欢追求者留在身边，女神，真系唔收兵㗎！好似系……

戏中Chantale饰演与王敏奕同属一校的学生，戏中亦有一幕色诱马志威(Edward)（王敏奕戏中男友）的情节。至于拍戏经历，她表示：“有一场好性感就系著一件内衣，跟住揾个红色丝带包住自己好似一个礼物咁送畀佢（Edward)，跟住要去勾引佢。”这场戏最深刻。问到Chantale当时有没有面红，她笑说：“因为我同Edward识左好耐，所以就冇尴尬。反而系佢比怕怕羞，有耳仔红面红𠮶啲。”

最后Chantale更表示目前已经单身了一年半，希望找到一个像李敏镐的“靓仔”暖男。