新冠肺炎｜张惠雅未接种疫苗不幸确诊　无助想喊：匿埋喺厕所

第五波疫情来势汹汹，演艺圈亦宣告失守，连日来已经有多名艺人相继宣布确诊新冠肺炎，前HotCha成员张惠雅（Regen）今日（22日）在IG Post出快速测试结果指自己已确诊，并透露于20号凌晨发病，初时发病病征觉得周身骨痛、发冷：“发得烧系一定会发冷，然后我就食咗日本𠮶只感冒药，食完好快见效喉咙唔太痛，不过药力退咗都系有发烧发冷，但系又唔算严重，之后两日都系烧下唔烧下，同埋开始喉咙痛，但系我又唔系痛到好严重定系我忍得痛定点，今日22号起身喉咙痛好咗啲，咳都系一两声，痰都系一两笃，我无帮自己探过热，除咗去买快速测试时候门口嘅探热，不过系人都知个探热系废嘅，我头先度到系三十五点几度。”

Regen透露在今日帮自己做检测：“虽然我认同共存，但系因为顾及其他人包括屋企人感受，全程我都好小心只手揸住支酒精消毒液长期喷自己对手同我自己……我匿埋喺厕所帮自己检测（系咪谂到个画面都觉得好可怜），超快，一分钟唔使就已经出咗两条线。咁我msg屋企人啦，啊妈就打电话畀我，我又唔敢听，因为唔想喺厕所大大声讲我确诊咗，到时我真系困喺厕所几日都无得出嚟。当时屋企人冇叫我返屋企，因为佢哋都惊一惊，谂起唔知可以去边度，返西湾嘅话又要再一次吹风淋雨，觉得好无助，我喺车上面好想喊，但系又唔喊得因为啲眼泪会有病毒，最后好在得到屋企嘅批准，而家返咗屋企，决定困自己喺房唔冲凉直到negative为止。”

Regen亦有列出自己近日去过的地方，并透露自己没有接种疫苗：“自己无打针，唔太担心，都系伤风感冒咁样，睇下之后几日病情点样我update下畀大家知。原本都觉得中Omicon系迟早嘅事，前几日未知自己中嘅时候仲叹气点解要呢个时势吹病自己要自己喉咙痛两次，所以当我见到positive嘅时候系松咗一口气，而暂时最心噏系返到屋企𠮶下见到只猫对住我喵喵叫而我唔可以疯狂摸佢锡佢，惊佢觉得我唔理佢。”不少圈中好友包括谢安琪、苏皓儿、汤怡、Aka等都有留言表示希望Regen早日康复！