关宝慧张慧仪难忘演女同志　尴尬湿吻：个导演都有少少嬲

由张慧仪、廖子妤主持的香港开电视节目《晒ya马拉moi》，本集邀请了关宝慧担任嘉宾，并亲自下厨为对方炮制马拉菜，期间二人除了大谈“那些年”的饮酒瘀事外，关宝慧更自爆一个小秘密，透露自己一直为张慧仪物色男友，希望对方能结良缘。

张慧仪透露“那些年”跟关宝慧收工一起食饭饮酒的日子，期间二人分享了一件饮酒的瘀事，张慧仪表示：“有次饮完酒要走，你知我啦，成日都会招惹狂风浪蝶，𠮶次有个好英俊嘅外籍人士同我搭讪，冷落咗你（关宝慧）咁。”身旁关宝慧闻言即说：“系啦，都冇人同我搭讪，咁啱我见到有个朋友行过，于是我大叫个朋友‘衰人’，𠮶个人望住我4、5秒，跟住我仲问佢系咪住呢度，讲完一轮，原来系我认错人，我以为佢系罗君左！”

此外，二人提到因合作拍摄电影《变态杀人狂》而成为好友，张慧仪说：“同佢（关宝慧）开工，好多虾碌事，日日笑，一坐埋就笑，都唔知笑咩，𠮶次我第一次做女同志，我哋仲要接吻。”关宝慧续说：“系湿吻，我记得拍呢场戏，拍咗好耐都拍唔到，一埋牙我哋又笑，因为要同个好朋友喺度咀㖞，笑到个导演都有少少嬲，其实我觉得有啲尴尬，后来就‘死就死啦’，快啲拍完佢啦。”自这次咀戏后，二人从此变成“一对”。

节目尾声，关宝慧跟大家分享了一个小秘密，她谓：“一路以来，在许可又唔尴尬嘅情况下，我有帮慧仪物色男友，佢咁靓又咁好，冇可能冇拖拍，所以如果我发现身边有咩蛛丝马迹（有合适嘅人），我会介绍俾佢。”