黎彼得通波仔停工三个月　获《爱回家》家人致电关心：人间有情呀

《爱．回家之开心速递》“豹叔”黎彼得（Peter哥）早前因为心脏病而需入院做“通波仔”手术，不喜欢带给别人麻烦的他，原来一直都没有与很多朋友提及，直到上个星期“契仔”黄宗泽得知后才出手帮助他。

《爱回家》演员似家人

今日（21/02）《香港01》致电Peter哥，他表示很多《爱》的演员都有致电给他，说：“差唔多个个都有，汤盈盈呀、阿蟹、梁茵、爷都有，佳叔（钟志光）仲间唔中会车我去饮茶添。今日邵佩诗（曾在《爱》饰演欣欣）仲话要同我视像，陈浚霆同我讲开剧都会讲起我，问我有冇 ‘眼眉跳’，我哋全部人都好似屋企人！我（喺香港）都冇亲人，个仔又喺南京，咁多人关心我，直头感动啦！人间有情呀！”对于有网民问他有没有联络许冠杰时，他回答：“呢个朋友好耐冇揾啦，冇见廿几年，不过佢性格都唔钟意出门口，我唔会怪佢嘅。”

珍姐秘书回复得个知字

早前有传媒指Peter哥表示曾致电珍姐以及艺员部，但均没有回复。他亦向《香港01》表示曾有此事，说：“你知我呢啲独居老人，（一个住）随时心理变态，可能佢哋都觉得我烦。打过畀珍姐，但系佢秘书一路话佢好忙，话佢知啦咁。艺员部就话《爱回家》系独立嘅，唔归佢管。我知监制祥哥仔（林建祥）都好好人，不过佢都话爱莫能助。”

黎彼得收通知下月复工？

听落似是TVB高层下令要黎彼得休息，不过Peter就话：“你知我都唔讲是非，我要求好低，就系想开工，上层（高层）要求亦都好低，就系想我唔开工。有朋友话借住两万我用，我话唔使啦。朋友牵涉到钱就唔好啦，我仲有啲‘谷种’食住先嘅。”幸而，黎彼得最近终于接获《爱》监制祥哥通知，下个月就会复工，说：“祥哥仔话下个月开工，连分镜都写好咗，不过唔知㗎，呢啲嘢话唔埋！最紧要都系揸权𠮶啲话事。”他笑言，停工三个月是自己问题：“冇得累人嘅，系自己身体唔好，是但啦，系时运高低，都休咗三个月就唔争在（抖多排）啦。”

今日晚上9点左右，Peter哥表示收到通知，指原先下个月的拍摄取消了：“啱啱祥哥打嚟，话下个月都系冇得开。冇嘅，咪再坐吓啰。”

同场加映：爱回家 | 10位去年暂别或永别角色　岑杏贤要凑B陈伟琪转行卖火腿