肥姐沈殿霞逝世14周年　郑欣宜晒旧照爆秘密：佢真系会兜巴星我

有“开心果”之称沈殿霞（肥姐）逝世14年的忌日，爱女郑欣宜在社交网上载小时候跟亡母的合照，更激罕以中文写下感受，更揭开肥姐严母的一面：“当我嘈喧巴闭、跑来跑去、坐唔定嘅时候佢只会大声喝我一声‘郑欣宜’再加多一个严厉眼神我就会静止下来（其实通常唔使讲任何野，掘我一眼就够）。但当我最跩最跩例如虾婆婆或者突然变Moody黑起块面冇礼貌唔睬人或者讲大话时⋯⋯佢真系会兜巴星我。然后佢就会叫我跪喺地下掹住耳仔。最搞笑系，俾佢打完，我梗系会喊啦～佢就会叫我‘唔准喊！’。”

虽然肥姐会罚她，但适当时又会呵返欣宜：“当我开始感到内疚时真系谂得通了，佢一定会叫我‘过嚟，锡返’，然后我就会好似只小胖羊走到佢身边，贴住佢。佢就会揽住我，好声好气同我解释我错喺边度。佢会同我解释⋯⋯其实打我佢仲痛过我。今年35岁了。佢都走咗14年了。人越大越珍惜佢那种不离不弃。无论我有多坏，无论我令佢多失望，到最终佢都会叫我‘过嚟’然后锡返我。”除了妈妈以外，欣宜亦希望能够找到在任何情况的最终都会叫她“过嚟，锡返”的人，希望她早日如愿。