鲁庭晖写千字文赞袁澧林红硬兼勉励陈卓贤　Ian︰唔好整喊我

MIRROR成员陈卓贤（Ian）出新歌《留一天与你喘息》，粉丝亦对他有新作期待已久，MV在YouTube平台上架两日，已得到过百万的观看次数，且普遍也是得到正评，粉丝们再次听到“Ian式情歌”的感觉。MV亦特别邀请到文青女神袁澧林（Angela Yuen）担任女主角，两人齐齐扮演精神病患者。而ViuTV总经理鲁庭晖亦有在IG出po讲对Angela Yuen和Ian的感受。

鲁生在IG贴上一张Ian 新歌MV的图片，跟网民分享了两个故事，第一个故事，是关于Angela Yuen，他表示第一次认识对方，是因为拍一个广告，他前上司做导演的广告，他说︰“（广告）好唔好呢啲我唔讲啦，但系我睇完佢条片之后，就记得片中嘅女主角，我心谂，呢款样，实红喇。”他又续说︰“跟住过咗一排，我哋就嚟开台，而当时负责拍第一条宣传片嘅同事，同我讲话佢哋想拍一个45分钟短剧，当中有两个男主角一个女主角。我完全冇参与，佢哋拍完俾个file我，我一睇….咦点解个女主角咁熟口熟面嘅，哦，原来就系我当日睇到𠮶个广告嘅女主角。好自然咁佢做咗我哋开台第一个节目嘅女主角。虽然𠮶个唔系咩高成本节目。但系成件事自然到爆，有啲嘢，就系咁自然。”的确，Angela Yuen的文青形象大受年轻人欢迎。

而至于鲁生要讲的第二个故事，相信就是讲到Ian，其实鲁生的确是见证着他的成长，由寂寂无名玩《全民造星》，到现在成为万人的偶像，鲁生对他的认识相信是深入的，他写道︰“呢个人同我嘅起点，从我嘅角度睇，系三个字：‘后楼梯’故事讲完。系呀讲完啦。因为佢唔钟意将啲嘢周围讲，所以讲佢嘅故事，系讲几个字咁上下㗎咋。即系咁嘅，有啲人一直其实好努力，但唔代表佢要长篇大论话你听。每个人嘅经历都唔同，开心同唔开心，其他人未必理解。我哋身边嘅人要做嘅，就系相信佢，陪住佢。因为，佢一定会一步一步咁，愈嚟愈好。最后，我只系想讲，有啲故事好自然就会写到出嚟，有啲故事呢，要好努力好努力，经历好多好多，先至会发生。冇嘢要比较，冇话边个好，但所有故事都有共同嘅一点就系，继续写落去。”

关于第二个故事，写得好感动，亦好勉励，引来了Ian亲身回应说︰“Please dont make me cry.”而一班“Hellosss”亦表示劲感动，纷纷留言道︰“多谢鲁生，多谢你看到Ian的努力！”、“鲁生你搞到我地喊哂”、“多谢鲁生睇到低调默默做事嘅Ian”等等。

同场加映︰麦明诗贴超性感照贺情人节　吴业坤串爆︰你化妆真系好叻