梅启明懒理梅妈要断绝关系：佢眼蒙耳又聋，而家可能俾人摆布
电影《梅艳芳》去年上映时，梅艳芳胞兄梅启明突然入禀高院，控告电影公司侵犯其持有的“梅艳芳”商标，并要求赔偿。事后梅妈覃美金一反常态与梅启明划清界线，并直斥他财迷心窍，更被他激到要入医院，梅妈更表明不再向他提供经济援助。事件日前有新进展，梅妈忽然登报要与梅启明断绝母子关系，并解释原因是儿子欠人周身债，迫她走头无路，才出此下策。对于梅妈登报断绝母子关系，梅启明今日(15日)主动联络传媒表示要为事件逐一回应，不过对于梅妈要跟他断绝关系，梅启明表现冷淡：“佢老人家钟意点就点！”同时承认欠债数万元。
梅启明连日来不断受到各方评击，终抵受不住怒气，今日（15/2）突开记者会为自己平反：“其实喺我04年嘅时候已经注册咗商标同版权。而系某情况之下，我妈妈系咪收咗人嘅钱而唔同意我去告电影公司，我唔知。而当初系佢叫我入纸，我先行呢步棋，到我行咗之后，佢又要我撤销，唔系话钟意食就食，唔钟意食就吐番出嚟。导火线就喺呢度，佢就要同我脱离关系。如果佢冇受咗人哋利益，佢就唔使惊打官司，就算告上法庭都系我嘅问题，同佢冇关㗎。系落我个名，又冇落佢嘅名，佢系冇法律责任。佢老人家就唔好怪佢，正式系眼又蒙 ，耳又聋，佢而家可能俾人摆布。咁所以我好想搞清楚呢样嘢。如果电影公司想倾嘅话，就应该知会我。”
被问到梅妈现在身处可地？梅启明没好气说：“佢而家喺医院，佢根本系逃避。佢根本冇嘢，又话我激佢，根本我就冇激佢，而家佢仲住成千尺嘅套房。（有冇同梅妈联络？）我打俾佢唔听。我相信佢受身边嘅人摆布。（刚才你话梅妈收咗人钱，所以要求你撤销控告，呢个系你嘅揣测？）揣测还揣测，事实都有一部份。如果佢冇收咗人钱，佢点解会叫我唔好告？你个系一个点。（你有冇问梅妈点解唔告？）我有问，但佢冇答。（点解你咁唔听你妈咪讲呢？）我梗系唔听啦！人系要正，无理由你唔啱我都要跟你行。阿妈又点啫。（阿妈唔需要尊重？）阿妈生我出嚟一件事。（梅妈帮咗你好多年！）帮咩我好多年呀！我有手有脚，佢系有帮过我。”
梅启明亦回应自己不是贪财，更表示每月梅妈只给2万生活费，根本不够开支，他续说：“（你话开支大，系咪你大使？）2万蚊我要供养仔女，而家我个仔几叻几巴闭，成续优秀，（你个仔咁叻，你有冇功劳？）我一路培养住佢。（你老婆话你冇理个仔㖞！）我冇时间，我要揾食嘛！佢系咪石头爆出嚟！（系咪你包二奶所以开支多咗呢？）嗱⋯包二奶呢你哋太过敏感喇，根本冇呢回事，而家人哋帮紧我，因为我唔够开支，我唔系包二奶，讲真我有咩本事包啫。（你背老婆有女朋友，你觉得冇唔啱嘅！）女朋友个个都有喇，（你冇离婚，但有女朋友！）系呀，我未离婚，我系有女朋友。佢系有叫过我过离婚，但我都无所谓。（但你未离婚有女朋友，咁样对小朋友系咪唔系咁好！）我觉得冇样，完全冇影响，根本我唔系去包。”访问期间，附近有街坊报警指有人聚集，警方到场视察后离开。