董敏莉3岁半囡囡酒店跌倒后脑着地　突然狂呕急入院观察48小时

董敏莉（Monie）与律师老公庄耀金于2016年结婚，婚后两人育有一女庄子子，囡囡如今已3岁半，她们一家去年初移民台湾，Monie不时会于IG分享生活近况。昨日（14日）Monie就透露囡囡日前喺酒店浴室不慎跌倒继而狂呕，她留言表示：“呢个小朋友之前喺酒店浴室跌倒😓 系成个挞低（后脑着地，四脚朝天😨） 大喊咗一阵 敷咗冰、检查咗身体 晚上观察下佢有咩异样 第二日都好精灵活泼 不过稳阵起见都系谂住睇吓医生 点知开长途车返屋企中段 子子话个肚唔舒服 系咁搅条安全带话好紧 隔咗一阵 佢突然间呕 系呕晒中午食嘅嘢出嚟 都几多吓 而我只能用手帮佢接住🤮 佢劲惊又劲喊 我地梗系更加担心😭 即刻改道揾最近嘅医院急诊睇下🩺 （而佢心爱嘅公仔布布都中咗D呕吐物👉🏻👈🏻）。。。 ”

她续说：“疫情关系 医院急症只准一人陪诊 爸爸唯有在外等候。。。唔多人 等了10分钟左右就见外科医生 做了评估 医生话子子嘅呕吐应该不是外伤引起 见佢行得走得好活泼 之后再转到儿科医生检查一下 头部、眼睛，手手脚脚都没有大碍。。。即刻放心晒❤️ 不过都要观察多48小时 如果突然有咩状况 要即时就医 同埋医生话呢排唔好再跌亲 亦唔好参与球类活动 子子真系要乖乖唔好乱跑乱跳喇😅 ”

她又提供了一些有用资料给家长们：“家长最关心嘅其实系咩情况之下要睇医生 所以 整理咗医生俾嘅儿童头部外伤资料 让大家参考一下💁🏻‍♀️ 儿童头部外伤如出现以下症状之一，要马上就医：

-全身或局部抽筋

-出现嗜睡，且不容易叫醒

-两侧瞳孔大小不一

-呕吐情形越来越明显，且出现喷射式呕吐

-出现肢体无力状态

-步态不稳，容易跌倒

-易于平常的哭闹或躁动不安

-前囟门明显膨胀

-耳朵或鼻孔流出不明液体

-头痛情形越来越严重

。。。希望大家新嘅一年平安健康🧧 情人节快乐🍒”