冯素波曾因冯宝宝获超级特权不快：阿爸话全厂熄灯等你个妹都得

67岁嘅冯宝宝两岁半已经出道，拍摄超过两百多部电影。而同父异母嘅家姐冯素波，早年不时都会跟冯宝宝出入片场，由于二人同为演员，难免会被比较。冯素波近日接受《安哥同学会》访问时，提到当年爸爸冯峰曾经向佢表示：“全个厂熄晒灯等你个妹都得，等你就唔得，我都好得意，我爸爸系老板，点解等我妹就得，等我就唔得？‘佢系明星，你唔系’我𠮶时个心好委屈。”冯素波又指冯宝宝向来拥有优先权，她记得有次工作人员正为她换衣服，但当冯宝宝入厂时，工作人员马上停手，转身服侍冯宝宝。“当时个心系有啲委屈，不过都有样嘢好，就系要唔比爸爸再闹我，于是早一班车入。”

冯素波比冯宝宝年长十岁，虽然她认为两姐妹没什么可比，但身边人不时提醒二人的差距：“妈妈曾经话过人哋赞你靓都唔好觉得自己真系靓，因为靓嘅系个妹；啲人揾我影相，系因为身边有个妹吸引人埋嚟，所以我从来都唔会同个妹比较，比咩？佢系主角，我唔系。”

节目中，冯素波亦有提到如何走出丧夫之痛。冯素波老公苏文雄喺2017年因为爆血管而入院，昏迷两个星期离世。“当我知佢入院时，佢出院系冇可能，因为医生同我讲咗，所以首先系清理佢啲旧物，因为就算出到院佢已经系另一个人， 身体或状态都唔能够用返过往嘅嘢，所以趁佢在生将衣服鞋物捐咗。 唔系无情 ，但系一个人要更换一样嘢， 你要清理咗旧嘢先， 而我面对就系自己嘅将来。”老公昏迷期间，冯素波演唱会即将举行，与此同时亦要为剧集埋尾 ，她以“危情八日”形容当时的情况。摰爱离世后，冯素波活在当下，先后去了美国、加拿大、东欧等地，每次外游前佢都会喺心中同老公讲“我哋又飞”。