Eric Kwok爆21年前拍拖趣史 呃叶佩雯有四个肛门竟信以为真？
Eric Kwok（郭伟亮）和太太叶佩雯（Grace）由拍拖、到现时已经结婚10年依然非常恩爱，今日（14日）正值情人节Eric Kwok却没有在Instagram公开两人的闪光灯合照，而是以“另类放闪”方式庆祝情人节，自爆自己于拍拖一年的时候向20岁的Grace讲大话表示自己有四个肛门，对方竟然单纯到信以为真！
他发文表示自己对太太做过最疯狂的一件事，就是21年前两人拍拖一年正同居的时候，当时他从来没有向Grace说过谎，因此自己说什么对方都会相信，因此为了挑战Grace的信任而讲了一个大话：“我同佢讲我有个好大好大嘅秘密，从来末讲过俾其他人听。我话我唔系有一个，唔系又两个，而系有四个屎忽窿。呢件事纠缠咗好几个月，每次我冇着裤嘅时候佢就话一定要望吓。我每次隐隐约约咁，佢又好似见到又见唔到。有一次佢话又好似见到有两个，我就扮到更加无奈咁，但每次都冇俾佢睇晒，一拖就拖咗几个月。件事越扑朔迷离，而我每次都坚持话系真嘅，佢就觉得越系真。隔咗一年佢真系相信我有四个屎忽窿。”
见到Grace竟然对这个如此荒谬的谎话信以为真，Eric Kwok决定要将谜底揭盅：“我就企佐（咗）喺张床上，剥咗条裤，俾佢检查。佢兴奋到不得了，听咗成年嘅秘密终于可以亲眼证实啦。佢块面乌到好前，贴近我个屎忽，带住副眼镜擘大个口，好仔细咁检查，就喺呢个1cm嘅距离，我咁啱又有㖞，就放咗个好大嘅屁喺佢块面上。”他笑言相信世上没有人能够在这么近的距离隔着裤将一个很热很热的屁完全放在爱人的脸上：“记住Grace 当时系擘大个口，佢全部接收晒，呢件事一定记一世。”
自此之后，Grace为了报仇，经常在Eric Kwok熟睡时好几次都会将自己的屁放在自己手上，然后揸成一个拳头将那些屁放在他的鼻上：“当然对我嚟讲，呢个报仇完全唔入流，不过最重要，都系佢舒服啲。啲咁私人嘅嘢我从来冇谂过可以同大家分享，因为Grace系绝对唔会俾我同大家讲。我自己就觉得呢个故仔好震撼，如果有一日可以面世就好啦。”
果然时间能改变一切，现年已经42岁的Grace对于这件事已经变得非常豁达，批准Eric Kwok将这个故事公诸于世：“经过22年后，但真系豁达咗好多，睇开咗好多，幽默咗好多，人真系可以变，仲可以变好，呢样嘢我先至觉得系最震撼，唔系我有四个屎忽窿。大家情人节快乐！”
虽然对Eric Kwok来讲是非常甜蜜的故事，但网民则觉得实在太好笑太重口味，糖妹表示Eric Kwok真的非常非常坏，黄建东则表示“呢啲就真系真爱！”，方力申更留言直指“好核突”：“睇完，我一啲都唔觉得Sweet…我净系觉得你哋sweet非常另类。我代入唔到啰！祝你地情人节快乐！”Eric Kwok回复坦言：“我从来冇话过系sweet，只系话好震撼！”
Grace发现老公将秘密爆出后嬲爆留言︰“你好大胆呀！竟然讲出嚟！你今晚记得唔好瞓觉呀！我会送个有味嘅情人节礼物俾你，睇路呀。”她又笑言这件事实在太痴线，只怪自己当时太相信对方：“我谂我第时老人痴呆，都会记得呢件事！ 永世难忘！个股暖流喷喺块面度 ，仲要系臭㗎，都系怪我太信你啦！”