周嘉仪访问Hermès VIP过千万手袋大晒冷　有钱都未必买到心头好！

前无线（TVB）新闻主播周嘉仪（Venus）离开大台后转战金融界，现为华盛证券市场部总监。向来对名牌手袋甚有研究的她日前就访问Hermès巴黎总店的VIP Judy，Judy大晒六个价值不菲兼深受收藏家追捧的“喜马拉雅”系列手袋。要买到心头好并不是一件容易的事，Judy指要买到Hermès特别款手袋是没有捷径，只有不停的消费，而今时今日最受大家热捧的已经不是“喜马拉雅”系列，Judy透露就算消费一千万都未必能拥有它：“如果你第一次去铺头，买咗一千万嘢都唔会拎到呢个袋。”

名袋玩家Judy是Hermès巴黎总店VIP，她当初“入坑”是因为发现Hermès手袋的保值能力。至于要如何成为VIP兼买到心头好，她就说没有捷径，只有不停消费：“要成为超级VIP并唔系简单买衫，而系要好大额嘅货物。我会买家品，鳄鱼马鞍都要2.5万欧罗一个。或者买鳄鱼皮褛，一件都11万欧罗，如果你买咗一件鳄鱼皮褛，销售员就会留一个好特别嘅袋畀你。”

Judy就带同六个“喜马拉雅”系列手袋向观众介绍，当中以喜马拉雅Kelly以及Birkin最具保值能力：“25吋喜马拉雅Kelly拍卖价连同手续费系375万港币，原价就3.2至3.3万欧罗，即系30几万港币，升值十倍有多。而呢个钻石扣Birkin，系圣诞节我喺巴黎总店花费约40几万欧罗，销售员知道我想要钻石扣‘喜马拉雅’系列。唔舍得用，好靓但用就有啲夸，当收藏睇住都开心，钻石扣一般拍卖到400几万。”她亦有传授分辨手贷真伪的方法：“靠味道分辨真假，假嘅‘喜马拉雅’系冇味道，每个都有独有嘅皮味。”

“喜马拉雅”系列价值不菲而且曾经深受收藏家追捧，不过Judy指买家现时最想要已经不是它，而是限量版的20吋Snow Bag：“今年新款，佢嘅设计系巴黎总店外面嘅橱窗。之前出过深篮同啡色名为Faubourg Bag，一个叫‘白天’，一个叫‘黑夜’。今年先出Snow Bag，系最靓同最贵。但对我嚟讲更加想要‘白天’或‘黑夜’，因为手柄唔易污浊，呢个白色我唔敢用。市场费300万人民币，现价230万人民币，大概270至280万港币，原价退完税系2.2万欧罗。”

之不过这个限量的Snow Bag并不是有钱就买到，Judy坦言就算消费一千万都未必能拥有它：“如果你第一次去铺头，买咗一千万嘢都唔会拎到呢个袋。要睇总消费，直到你够资格，再买多300几万货，先会卖呢个袋畀你。”

点撃睇过千万手袋：

同场加映

43岁“小飞侠”林燕玲重返主播台　保养得宜网民大赞：仲系咁靓！