七仙羽算Anson Lo运程　陈志云指人红是非多︰点解系要估佢性取向

最近陈志云请到人气高企的七仙羽师傅（七师傅）到他的YouTube频道节目《Stephen．倾》做嘉宾，同场还有小肥（徐智勇）和J.Arie（雷深如）。陈志云介绍七师傅出场时，称她为“赵玲小姐”、“Connie姐”，陈志云问到“赵玲”这个名字，七师傅直言没有人这样叫她，“因为系假名嚟，冇样嘢系真㗎，身材系真㗎！”七师傅又发挥她的搞笑本色！

陈志云在访问中试途问七师傅的生肖，转数高的师傅笑说︰“我不属于12个生肖入面，因为我属女（淑女）。”陈志云问到为什么师傅很避忌讲年纪，是否怕别人落降头，她闻言即说︰“唔棹忌，因为我话18岁冇人信，咁我讲出嚟冇意思啦！系咪？”讲到在风水师傅界别冒起得很快易招人妒忌，七师傅直认在最开始时有人落过她降头，她说︰“最开始我做呢行嘅时候，因为我以前系做记者，本身我做呢行好多机会写专栏、上电视，因为认识人多嘛，因为你一出道就写专栏、上电视，啲行家就觉得你乜水啊，因为喺呢行都未企稳，所以好多人好嬲，佢哋联合埋一齐就落咗降头，落咗降头我都唔知，因为我本身都有修好多法，唔好啲嘢会自动弹走，𠮶时有少少发烧，之后啲人话畀我知㗎。”师傅表示自己识落降头，但不会这样做，因为会有“10倍报应”。

小肥本来表示未找到新对象，指自己感情方面是“佛系”，要专心工作，而懂得观人于微的七师傅即刻踢爆，一讲到小肥的男人时，他立即闪缩了一下，她说︰“当佢咁样讲，即系证明有，因为你头先咁问佢嘅时候，佢即刻缩一缩，有！我guarantee，我落我嘅身家去同佢打赌，如果佢冇呢，我全部身家畀佢！”小肥即被迫认有新对象，逃不出师傅的法眼。

讲到人气愈来愈劲的姜涛属兔，七师傅表示属兔今年好旺，演艺事业、财运和工作方面都是“Number 1”最旺！而他的桃花旺，但会变成贵人，“因为佢唔得闲拍拖㗎啦！（陈志云︰佢想29岁退休。）肯定唔得啦，佢同ViuTV签约，签咗咁长时间点退啊？估都估到嘛！”

之后讲到属猪的卢瀚霆（Anson Lo），七师傅就话是犯太岁，但可以化解，Anson Lo的事业运会好好，但今年可能会有些是非，要留意一下。陈志云即说︰“不过佢啲是非都系同事业有关，红先至有是非。师傅就好开通嘅，男仔钟意男仔，女仔钟意女仔，冇问题嘅。我觉得钟意Anson Lo嘅人都系冇问题嘅，唔知点解大家都硬系要估佢嘅性取向，成日都估佢系咪钟意男仔，其实一个artist、一个人嘅面相睇唔睇得出佢系咪钟意同性㗎呢？”

七师傅回答道︰“冇得睇㗎，呢啲好多时冇得睇面相，好多时系大家交个朋友，好似我同J.Arie揽头揽颈，做个好朋友冇乜所谓，我觉得唔论男女，我觉得好open好开放㗎，因为本身我喺外国返嚟，我觉得唔论点样，我觉得冇所谓，钟意咪得啰，有乜所谓啫！人哋系点样又唔关其他人事。（陈志云︰所以大家唔好再估啦！）有人估咩？（陈志云︰有啊！好多！）唔使估啦，理得人哋咩嘢，人哋开心就得啦。”之后师傅补充说︰“我咩都冇讲啊，费是惹到是非圈，我钟意MIRROR，师傅爱你哋，永远支持你哋㗎！”师傅多番强调自己没有讲什么，网民言论不关她的事。

睇吓教主嘅靓仔相︰

同场加映︰陈欣妍狂晒与沈震轩独立屋爱巢　特设私人gym房更有天窗变打卡位