张致恒老婆雯雯被问点解咁穷仲要生第三胎：穷有穷养

张致恒（Steven）老婆雯雯早前单方面宣布离婚，但3日后Steven表示已𠱁番老婆，仲话“一家五口好好咁样爱下去！”暗示家中将添新成员。

雯雯今日(4日)喺IG Story玩你问我答，有网民问到“你几好吗？”雯雯就话如果为家庭的话，可以话还好；有网民问到“张致恒有咩吸引你？”佢就话“每一段关系都系上天安排，所以冇话有咩吸”，喺众多问题之中，唔少都系针对住“穷”呢一部分，认为佢哋一家几口连生计都成问题，点解仲要生，亦有人提议结扎，但雯雯就话“穷唔代表冇资格生仔，上天送嘅礼物，一定有佢原因，穷有穷养，最紧要小朋友开心”并否认系因为怀孕先决定唔离婚，而言语间，似乎亦感受到雯雯准备有几多生几多，并乐于“穷养”小孩。

点击睇大家问咩

去年张致恒为揾食而北上，有网民因而提出“你老公长期不在，点解仲会怀孕？”雯雯就反问：“你呢个问题其实想带出咩？”她亦透露会考虑举行移居内地。雯雯又话三胎心理压力较大，但仍然“顶得住”并透露由于大仔同细仔年纪尚轻，所以仲未知自己将会做哥哥。