MIRROR三子现身罗家英豪宅拜年　阿姐即学《Megahit》招牌动作

汪明荃（阿姐）广结人缘，新年期间唔少圈中后辈向佢同家英哥拜年，虽然今日系初三赤口，传统上不宜拜年，但如果上门拜年嘅系MIRROR三子又点睇？阿姐今日(3日)上载多张合照，并发文表示：“谁说大年初三不适宜拜年？Mirror 三子Jer Edan & Anson向家英哥Liza姐拜年，同行还有Sam及太太。Liza以萝卜糕 上海年糕、水菓 、攒盒招待，大家吃得很开心。”

01娱乐明星相簿，即CLICK免费下载MIRROR、After Class高清靓相，绝对珍藏！

喺限时动态中，MIRROR三子柳应廷、吕爵安以及卢瀚霆(Anson Lo)以及石修儿子陈宇琛同太太到阿姐家中作客，席间阿姐做出Anson Lo单曲《Megahit》嘅“Uh-Oh Uh-Oh”招牌动作，令三子十分惊喜，Anson Lo更笑言呢条片十分有纪念价值，Jer在旁提议示范舞步 ，Anson Lo表示：“咁又唔系，咁已经好够。”其实自曾志伟入主无线后，已多次表示希望MIRROR可亮相无线。难得今次MIRROR三子作客阿姐家中，未知阿姐会否顺道做说客。