专访︱戴祖仪感激伯乐何哲图提携 认仲有联络：饮水思源好紧要
无线（TVB）电视剧《青春不要脸》周六（5日）大结局。戴祖仪（Joey）在剧中饰演对演艺事业满怀热血冲劲的“温楚瑜”，温楚瑜为了证明自己并非是靠父干的星二代，她不畏人言，主动应承于众人面前半裸上阵拍戏，相当大牺牲。
现实中的戴祖仪与温楚瑜一样，都是主动出击型。2018年她受到时任星梦娱乐老板何哲图赏识入行，其后她打破“演员是被动”惯例，不时向导演、监制主动争取机会，她说：“我好清楚自己钟意啲乜嘢，同想做啲乜嘢。当我知道有而家有呢个机会，我都主动话会唔会我可以Casting试吓呢？会唔会可以尝试加入到呢？我会主动问吓。”
拍摄：叶志明
温楚瑜不是“吴君如2.0”
温楚瑜的原型是吴君如，戴祖仪称有自小有看《金鸡》等吴君如作品，她指温楚瑜并非是另一个吴君如，她说：“监制（林肯）就话，佢讲个原型出嚟并唔系想我哋模仿，而系想我哋知道呢个人物背景，再衍生出一种新嘅人物性格出嚟。”例如丁子朗饰演的齐轻舟原型是周星驰，但加添了与温楚瑜的感情线，她表示：“而吴君如前辈爸爸系艺人，呢啲又会加返落去，有真有假咁。我记得吴君如前辈分享有一幕畀人掴咗好多巴，内心有少少唔系几开心，我哋会重演呢一幕。”
戴祖仪看了电视剧《新扎师兄》（1984）等剧集学习80年代的肢体语言、说话口吻等，并分享道：“原来佢哋讲嘢系慢啲嘅、清晰啲嘅，咬字都系大啲，文雅啲嘅。英文又讲得好唔准，例如‘Verly Good’（Very Good），好大声咁讲‘Cut！’我哋都会尽量模仿返。”
点撃下图重温裸背场面＋《神雕侠侣》玉女心经经典场面：
白羊座戴祖仪自认同温楚瑜一样好胜有冲劲
戴祖仪称，或因身为白羊座，天生较冲动好胜，这点与温楚瑜颇为相似，她坦言：“喺温楚瑜呢个角色入面，因为佢爸爸系明星，所以佢入训练班都受到好多争议。啲同学都畀好多压力佢，佢就好Tough咁样，唔可以输，要证明畀大家睇佢系值得。呢一点同我好似，虽然我爸爸唔系艺人啦，但我都系我由细到大都唔可以输，冲动得嚟系要赢，所以要赢𠮶种心好强，所以所有嘢都会最冲最大。”
伯乐何哲图离任不感机会减少 仍有保持联络
后生仔有冲劲是好事。当初凭一股热血遇上伯乐何哲图，出道后不时被指受TVB力捧。惜2021年2月何哲图离任，改由曾志伟、何丽全接掌音乐事务，王祖蓝荣升首席创意官。问会否有感机会减少？戴祖仪多次被问到上述问题，但她从不觉受力捧：“我由以前到而家都冇力捧嘅感觉。因为我系𠮶啲有嘢要做，就尽力去做，做到最好。所以我感恩有好多监制畀好多唔同嘅尝试我。就好似啱啱咁，我第一次做《东华》主持，有好多新机会畀我不断去挑战同尝试啰！”至于近来《声梦传奇》一众新秀，如炎明熹、姚焯菲身为镁光灯焦点，戴祖仪则认为自己做新人时亦受公司特别照顾，实属正常。
戴祖仪感激恩人何哲图带她入行，至今两人仍有保持联络，她说：“饮水思源好紧要，好感激当初带我入行、畀机会我嘅人。所以过时过节我都会Send返啲祝贺说话，Keep in touch咁样嘅。”
会拣同曾志伟倾偈先：祖蓝哥返咗大陆拍嘢应该好忙
至于有否与曾志伟说上话？一向勇敢的戴祖仪在这方面则自认“小薯”，但她称赞志伟哥、祖蓝均十分亲民友善，她说：“佢哋Join嘅时候都好主动同我哋倾偈，同好多唔同艺人倾偈，会问有咩谂法、想做嘅节目，或者有咩想发展嘅地方。即系佢哋都好热心咁约好多唔同艺人倾偈，了解大家想做嘅嘢。咁啱𠮶阵时我开紧剧，令我Join唔到呢啲会议，令我觉得好可惜。所以暂时到而家我都未Join。但佢哋成日都喺公司，好忙啦！如果有机会我都希望可以自动请缨一下嘅。我唔敢呀呢方面，我又比较小番薯。”
如可以选择，会拣曾志伟抑或王祖蓝倾偈先？她毫不犹豫选择了志伟哥，笑言：“小朋友先做选择，我梗系两个都要。但如果真系就要拣志伟哥，因为以我所知呢，祖蓝哥返咗大陆拍嘢，所以佢应该好忙，唔得闲，所以我尽我所能，揾到边个先就揾边个。”
戴祖仪唔怕被贴上老土标签
由曾志伟入主高层后已过了约一年，惟TVB仍不时受外界批评节目老土、对年轻人缺乏吸引力。例如《青春不要脸》虽以追梦为主题，但年轻人未必对上世纪八、九十年代影圈文化或影星有共鸣，主打的怀旧风更为长辈所受落；而ViuTV同期播映中的《IT狗》则凭港剧罕有、贴近后生一代笑点的黑色幽默风格，赢来不少年轻人追捧。
对此，今年26岁，同为后生仔一分子戴祖仪则认为，TVB已逐步趋向年轻化，但未必可以满足所有观众群。会否认为这些批评对TVB不公道？她则指是见仁见智，“呢啲嘢好主观，又冇话公唔公平，Fair唔Fair。而系你自己觉得有呢样嘢而发生，而佢究竟系咪呢样嘢呢，都好见仁见智。主要系我哋吸收到咩意见，我哋尽量去改善啰！”
她又不怕连带被贴上老土标签，“我又真系几好彩，就冇呢方面既Feedback。因为我私底下又好多兴趣啦，又系艺术品、潮流方面嘅嘢，我畀人感觉相信系了解时事、艺术潮流嘢嘅。”
戴祖仪靓相：